0-3: O Infantil remata a primeira fase cunha derrota

Un Lóstrego con moito máis en xogo logra a vitoria no último partido da primeira fase da Liga Infantil Galega.

A Escuela de Fútbol Femenina Rosalía non puido lograr a vitoria ante o Lóstrego CF Gondomar, que se levou o triunfo no último partido da primeira fase. O conxunto dirixido por Alba Rodríguez non conseguiu os tres puntos ante as gondomaresas, que marcaron todos os tantos do partido na segunda metade. Todos os goles chegaron logo de erro na saída do balón.

Comezaron dominando as azuis pero co paso dos minutos, un Lóstrego que se xogaba entrar na seguinte fase como un dos mellores segundos, foi apropiándose do partido. Dominio que se vía reflectido no minuto 30, Valentina dispara pero detén Valeria. Xogada que fixo espertar do letargo ás locais, que encadenaron as dúas últimas ocasións da primeira parte. Minuto 38, Cuquejo recibe a saída córner pero dispara fora e na seguinte xogada, ataque por banda de Ester que remata Silvia no segundo pau sen sorte.

A segunda metade foi outro conto. Alba dá entrada a Andrea por Valeria e Candela Sanmartín en punta. Oito minutos despois do comezo chega ou primeiro dás visitantes. Lúa aproveita un balón ás costas da defensa para gañarlle o man a man a Andrea. Nada máis adiantarse, nova ocasión, boa triangulación do ataque azulnegro que Lúa remata fóra por moi pouco. Terían as súas ocasións as pontinas, Cuquejo remata logo dun rexeite defensivo pero non supera ás centrais. Dous minutos despois, centrochut de Candela Bouzas ao que non chega Vitoria e sae pegado ao pau contrario.

Dous goles de erro non forzado
Minuto 66, saque de porta de Aldara, cede a Candela Bouzas no área pequena, presionada por dous rivais non consegue sacar o balón e novamente Lúa marca a pracer. O partido xa estaba sentenciado, o segundo gol desconcertou ás pupilas de Alba Rodríguez que ao bordo do final cometían outro erro na saída do balón. Sara Bonjoch erra un despexe en tres cuartos de campo, róubao Ángela e supera a Lucía Pérez e plántase soa ante Andrea, 0-3.

Primeira derrota da EFF Rosalía Infantil que pasa primeira do Grupo C á segunda fase cun balance de duas vitorias, un empate e unha derrota.

Alba falou aos medios do club ao final do partido.

A técnico local falou ao remate cos medios do club e afirmou: “Tivemos un rival moi duro, contra o cal custounos gañar na primeira volta e que están moi ben situadas no campo. Intentamos facer o noso partido pero elas foron máis eficaces cara a porta e leváronse merecidamente os tres puntos”.

“Non creo que se notase que non nos xogásemos nada porque a idea do equipo é competir todos os partidos. Pero sen dúbida o Lóstrego ten un gran equipo infantil que lle vai a plantar cara a todos os equipos da categoría”.

Minutos para as menos habituais
“Intentamos que xoguen e gocen todas as nenas para que crezan como futbolistas e sexan partícipes tanto dos triunfos como das vitorias, xa que as vitorias en equipo dan máis alegrías, e ao perder divídense as tristezas”.

Remate da primera fase
“Foi unha primeira fase moi competida, demostrando o gran nivel que hai nesta Liga Infantil, o que significa o crecemento da base e polo tanto do fútbol feminino. Moi contenta co meu equipo que en ningún momento baixo os brazos e loito cada balón. Elixiríaas sempre a elas”.

Check Also

Derrota do Infantil ante un superior Mos

As azuis non puideron puntuar no Municipal de Oira ante o líder da categoría. A …

Skip to content