E.F.F. Rosalia Escola de Fútbol Feminino
O conxunto de Alberto Tamayo non puido sumar despois de sete xornadas no derbi fronte ao Arenteiro que se coloca a catro puntos cun partido menos.
A Escola de Fútbol Feminino Rosalía perdeu o derbi contra o Arenteiro na novena xornada de Liga. O noso equipo foi mellor na parte final de ambas as partes. Na segunda parte, as de Tamayo tiveron unha ocasión para empatar, pero os goles de Xiana e Sara Fernández levaron os tres puntos para O Carballiño, no que supón a segunda derrota da temporada despois de sete xornadas invictas.
A intensidade e a posesión fixeron do Arenteiro o protagonista durante os primeiros vinte minutos no que as chegadas caeron do seu lado. O cadro carballinés golpeou primeiro nunha xogada na que puideron abrir o marcador e a nosa gardameta desviou cunha gran intervención (8′). Unha vez superados os vinte minutos de xogo, o noso equipo foi gañando presenza e igualando a superioridade no centro do campo visitante. Aínda así o marcador non se moveu na primeira metade.
Segundo tempo con tres goles
Despois do paso por vestiarios, o argumento foi o mesmo. Ambos os equipos intercambiaban golpes, pero sen chegar a xerar un perigo claro ata que se superou a hora de xogo. O golpe chegou dun Arenteiro que aproveitou unha xogada a balón parado para adiantarse. Xiana, moi atenta en área pequena adiantou ás ‘verdes’ tras aproveitar un barullo á saída dun córner executado por Chiqui no minuto 61′. As carballiñesas crecéronse tras o gol e rozaron o gol en dúas xogadas case consecutivas nos minutos 62 e 63 tras erros na saída do balón do noso equipo. Na primeira, Xiana remata ao primeiro toque un saque da nosa gardameta e o balón sae pegado ao pau e, na segunda, Sara Fernández plántase soa ante Noa nun man a man en que a nosa gardameta conseguiu despexar. A resposta das pontinas chegou nunha falta que Zaira envía ao segundo pau e Candela a punto estivo de rematar con Noelia superada. Arenteiro seguía dominando e no minuto 72 chegou a sentenza. Novo erro na saída do balón ante a presión rival, Sara Fernández recupera a posesión na área, e, a pesar da saída de Noa e a presión de Aldarita, consegue marcar o 0-2.
Nos minutos finais, o noso equipo envorcouse en ataque en busca da remontada. Froito desa presión chegou o 1-2. Clau, moi intensa, recupera a posesión, encara a área, regatea a Noelia e centra desde a liña de cal para que Bonjoch envíe o esférico ao fondo da rede no minuto 83′. Seis minutos despois, Candela, cun libre directo desde 25 metros, a punto estivo de sorprender á gardameta visitante, que despexou a córner con dificultade e, na última xogada do encontro, Laura conectou un bo remate de cabeza que despexou a defensa en área pequena, conseguindo que o ‘luminoso’ non movésese e os tres puntos viaxasen ao Carballiño.
