5-0: O infantil comeza a segunda volta con vitoria

O filial asina un gran partido e imponse á UD Mos no Monte da Aira.

Gran vitoria da EFF Rosalía Infantil, que sumou o sétimo triunfo da tempada ante un rival de entidade como a UD Mos. As azuis puxéronse 1-0 en 13 minutos grazas ao tanto de Nerea, pero o conxunto mosense aguantou o marcador ata chegar ao descanso. Cuquejo marcou no 42’ e sentenciou o encontro.

Moita iniciativa en ataque por parte do Rosalía no primeiro cuarto de hora. Ester creaba moito perigo dende o perfil dereito, Candela Bouzas e a mesma Ester eran un pesadelo para a defensa rival. O primeiro chegou en xogada polo lateral dereito, Ester supera á súa defensora e Nerea remata ante a estirada de Yanira no 13’. A partir dese momento se impuxo o ritmo de xogo das locais, que na saida dun córner a punto estiveron de marcar o segundo pero Marta Montes non chega a rematar en boca de gol. Nerea estivo preto de marcar ao recoller no área un centro-chuta de Sara pero o balón sae pegado ao pau ezquerdo da portería defendida por Yanira.

Dobrete de Daniela
Volveu con intensidade o filial tras a continuación. Cuquejo adiantou novamente as azuis (42’), sentenciando o encotro. O Mos, que contaba con varias xogadoras que disputaron un partido o día anterior, acusaron o ritmo de xogo e a EFF Rosalía xogou en campo contrario os segundos corenta minutos. Daniela marcou un dobrete con dous tiros dende fora do área (57’ e 77’) e Lidia, nunha xogada pola dereita (63’), redondearon unha vitoria ante un rival que na primeira volta creou moitos problemas as azuis.

Check Also

Derrota do Infantil ante un superior Mos

As azuis non puideron puntuar no Municipal de Oira ante o líder da categoría. A …

Skip to content