Unha estrea en Oira ante o San Mateo e un derbi ourensán coa Purísima marcan o arranque das azuis na Liga Galega Alevín.
A Escuela de Fútbol Femenino Rosalía Alevín xa coñece a súa folla de roteiro para a Liga Galega Alevín Feminina (Grupo D). A estrea será o domingo 12 de outubro no Anexo do Municipal de Oira fronte ao Sporting San Mateo, un primeiro exame en casa para abrir unha tempada ilusionante.
O grupo reúne a rivais de Ourense e área de Vigo: Sárdoma CF “A” e “B”, C.D. A Purísima, Lóstrego CF, Sporting Santo Mateo e UD Mos, ademais de nosas azuis. A liga disputarase a dobre volta (14 xornadas) entre outubro e marzo.
O derbi ourensán, subliñado en vermello
O calendario depáranos un dos momentos máis esperados pola afección: o derbi ourensán ante a Purísima. Máis aló dos puntos, será un pulso polo orgullo local e un escaparate perfecto para nosas alevíns.
– Ida: 19 de outubro no campo da Purísima.
– Volta: 11 de xaneiro en Oira, con ambiente grande asegurado.
Un curso de adaptación e carácter
A competición esixe adaptarse a escenarios moi distintos: Oira, As Relfas, Novo mirador de Beade ou As Baloutas presentan herba artificial, mentres que O Cruceiro mantén a tradicional superficie de herba natural. A xestión de esforzos e a lectura táctica de cada campo serán claves, especialmente nas saídas consecutivas de outubro. A primeira volta pechará o 7 de decembro visitando a Lóstrego; a segunda arrincará o 21 de decembro en San Mateo e concluirá o 8 de marzo en Oira recibindo de novo ao conxunto vigués.
CALENDARIO PRIMEIRA VOLTA
| 1ª VOLTA | PARTIDO |
| X.1 11 de outubro de 2025 | Rosalía-San Mateo |
| X.2 18 de outubro de 2025 | Purísima-Rosalía |
| X.3 25 de outubro de 2025 | Mos-Rosalía |
| X.4 8 de novembro de 2025 | Rosalía-Sárdoma ‘B’ |
| X.5 15 de novembro de 2025 | Sárdoma ‘A’-Rosalía |
| X.6 22 de novembro de 2025 | Rosalía descansa |
| X.7 6 de decembro de 2025 | Lóstrego-Rosalía |
Plan competicional
O plan competicional mantén o formato da Real Federación Galega de Fútbol: unha fase regular a dobre volta e, a partir de marzo, unha segunda fase que agrupa aos equipos por rendemento —con cadros de Título Galego e consolación— ata finais de maio.
- 1.ª fase (Liga regular): 4 grupos de 9–10 equipos, a dobre volta. Xogase da X1 á X18 entre o 5 de outubro e o 8 de marzo. Os mellor clasificados acceden aos grupos de ‘TÍTULO’ e o resto ordénase en ‘PRATA 1–2-3-4’ para a segunda parte do curso.
- 2.ª fase (marzo–maio): 5 grupos de 7–8 equipos, a unha soa volta, da X1 á X7, entre o 22 de marzo e o 17 de maio. Cada grupo proclama ao seu campión, con cadros de ‘Título Galego’ e de ‘Consolación’.
