Bota a andar o curso 22/23 da Escola de Fútbol no CEIP A Ponte

O presidente, Mario Gómez, ‘Yuse’ Vazquez como vicepresidente e Javier Alonso, como monitor da escola, déronse cita cos máis novos no colexio o primeiro día do curso para a presentación.

Na tarde do xoves 6 de outubro tivo lugar, na cancha exterior do CEIP A Ponche, o acto de presentación do nuevo curso 22/23 da Escola de Fútbol da EFF Rosalía en colaboración coa ANPA da Ponte. Por primeira vez a nosa Escola faise cargo da actividade extraescolar de fútbol nun centro escolar e ningún mellor para comezar que o do noso barrio.

A cita, que arrincou ás 17.00 horas, contou coa presenza de todos os alumnos acompañados das sus familias, o presidente do club, Mario Gómez, o monitor da Escola, Javier Alonso e o vicepresidente, ‘Yuse‘ Vázquez.

Desta maneira deuse o pistoletazo de saída á volta aos adestramentos dos máis pequenos tras un longo período de espera ocasionado polo covid-19, podendo inmortalizar o momento cunha foto cos que serán os seus compañeiros e o adestrador. Os adestramentos son cada semana nas instalacións do Colexio de Ensino Primario da Ponte, con novos futbolistas con idades comprendidas entre os anos 2017 e 2011.

Javier cos seus alumnos no primeiro adestramento.

No dito acto, o presidente Mario Gómez tomou a palabra para explicar o desenvolvemento da actividade: “Buscamos iniciar aos nenos/as do colexio no mundo do fútbol da maneira máis lúdica posible. Despois do parón nas actividades do centro ocasionado polo covid19, quixemos retomar a actividade dunha maneira gradual e ante todo lúdica”. Ademais, explicou en que consiste o convenio entre a Escola de Fútbol Feminina Rosalía e a ANPA do CEIP A Ponte: “Para nós os nenos/as do colexio da Ponte son considerados como membros da familia da EFF Rosalía, si ben é certo que non compiten esta tempada, a nivel club terán o mesmo trato, as mesmas vantaxes, promocións, etc… Inda e pronto para pensar nesto, pero ogallá a medio prazo poida sair da actividade na Ponte unha futura Rosalía”.

Check Also

Aldarita, tamén centenaria coa EFF Rosalía

Nos seus cen partidos como azul conseguiu anotar cinco tantos. Aldara González ‘Aldarita‘, centrocampista da …

Skip to content