As de Feijóo, que marchan terceiras, non dependen de si mesmas para pasar de rolda.
Choque importante para a Escuela de Fútbol Femenina Rosalía Promesas, que visita mañá ao Lóstrego C.F. (12:30 h, Chaín) no encontro correspondente á oitava xornada da segunda fase da competición. As de Feijóo, que son terceiras, teñen complicada asegurar a súa participación na Fase Final. No caso de que as azuis sumen os tres puntos, achegaríase aos postos de “honra” si o partido entre o Arousana e o Mos termina con vitoria das visitantes. Deste xeito, cambiarían as opcións de poder lograr unha difícil clasificación, ao depender delas mesmas si lograsen a vitoria ante as arousanas na seguinte xornada.
O Promesas azul chega a esta cita tras perder a pasada xornada ante o Mos, líder deste subgrupo. Para lograr o billete á seguinte rolda, o Promesas deberá gañar os tres partidos restantes facendo gala da súa forza ofensiva, xa que é o segundo equipo máis goleador da súa Liga (30 tantos).
Lóstrego
O rival do Promesas é cuarto pero xa non ten opcións de clasificarse para a seguinte fase. De feito, o Lóstrego está callando boas actuacións no seu campo e encadena dous partidos invicto como local. O último precedente entre ambos equipos o pasado 1 de maio acabou con vitoria local no Monte da Aira.
Semana especial
Adestramento sorpresa o pasado martes para as integrantes do equipo Promesas. Con motivo de darlles ánimos para o que resta de competición, varias integrantes da Escuela de Fútbol Femenina Rosalía Senior compartiron adestramento e partidillo coas máis pequenas. Unha sorpresa en grao sumo exitante para unhas xogadoras que ven nas súas compañeiras máis maiores a meta da súa formación como futbolistas no club, alcanzar o primeiro equipo.
