Martina Touza marcou o tanto das pontinas no encontro da segunda xornada da Liga Galega Alevín Feminina, disputado no Novo Mirador de Beade.
O equipo alevín da Escola de Fútbol Feminino Rosalía perdeu por 6-1 ante o Lóstrego CF no partido celebrado o sábado 24 de outubro en Vigo. O conxunto dirixido por Javier Alonso, con Candelita como segunda adestradora, non puido sumar nesta segunda xornada da primeira fase da competición. As locais abriron unha vantaxe de tres goles antes de que Martina Touza recortase distancias no minuto 40′. A resposta do Lóstrego, con outros tres tantos entre os minutos 41 e 45, estableceu o resultado definitivo.
Sabela Fernández inaugurou o marcador no minuto 14. O equipo vigués ampliou a diferenza por medio de Paula Castiñeira, que asinou o 2-0 no 25′, e de Ione Agras, autora do terceiro catro minutos máis tarde. Eses tantos situaron o encontro costa arriba para as pontinas, que necesitaban reducir a desvantaxe para volver achegarse no marcador.
O gol do noso alevín chegou no minuto 40′, cando Martina Touza anotou o 3-1. Porén, a reacción atopou unha resposta inmediata. Ione Agras marcou o seu segundo tanto un minuto despois e devolveu ao Lóstrego a renda de tres goles. Aixa Fernández ampliou o marcador no minuto 43 e Sabela Fernández completou o seu dobrete no 45, fixando o 6-1 co que rematou o encontro.
FICHA TÉCNICA
6-Lóstrego: Iria Jiménez; Cloe, Ione Agras, Paula Castiñeira, Aixa Fernández, Ariadna Pereira e Valeria López. Tamén xogaron: Sofi Dios, Mía, Sabela e Enma Fernández.
1- Rosalía: Valeria Meixeira; Maeva, Naiara, Lucía Diéguez, Enya, Emma Sanjurjo e Martina Touza. Tamén xogaron: Mar Nogueira, Andrea, Lía, Sofía Meixeira e Martina Losada.
Goles:
1-0 (minuto 14) Sabela Fernández
2-0 (minuto 25) Paula Castiñeira
3-0 (minuto 29) Ione
3-1 (minuto 40) Martina Touza
4-1 (minuto 41) Ione
5-1 (minuto 43) Aixa
6-1 (minuto 45) Sabela Fernández
