Nova fin de semana de compromisos oficiais para os equipos Promesas, ainda que a EFF Rosalía “A” tivo que aprazar seu partido fronte o Umia CF para o 28 de decembro.
O noso Promesas B foi entón o único equipo da liga promesas do noso clube que xogou este pasado domingo no Monte da Aira.
EFF Rosalía “B”-UD Mos
As nosas peques tiñan unha misión moi moi compricada ao recibir o invicto líder da categoría a UD Mos, que demostrou ser un grandísimo equipo. Porque os equipos grandes, ao noso parecer, non se miden polos seus resultados ou abultadas victorias, senon pola maneira de conseguir esas victorias e a UD Mos, a pesar da evidente superioridade futbolística co noso promesas “B”, respetou en todo momento ao rival xogando e deixando xogar e pasando os dous equipos unha hora de aprendizaxe e diversión co fútbol como medio. Ademáis á festa uniuse o sol de inverno que iluminou o partido nunha preciosa mañá de domingo.
Felicitar a UD Mos pola súa victoria, polo seu liderato e sobre todo por demostrar que o seu equipo promesas está en moi boas mans.
A próxima semana será xornada de descanso para ambos equipos ao non disputarse encontros da Liga Promesas.
