Saa: “A diferenza de experiencia decantou o resultado”

Miguel Saa compareceu ante os medios de comunicación e analizou o triunfo da Escuela de Fútbol Femenina Rosalía contra o Gondomar no Municipal de Oira: “Foi un partido sen ritmo, no que os dous equipos trataron de facer un xogo bonito, pero a diferenza de experiencia decantou o resultado e a tendencia do encontro”.

Novidades no ‘once’
“As xogadoras ao final están tendo todas minutos e estamos buscando o xeito de que apenas se note quen xoga ou quen descansa. Hoxe é certo que entraron frías, pero non é nada novo esta tempada”.

Diferenza primeira e segunda parte
“Ao final as rivais tratan de traballarnos os primeiros tempos para tratar de chegar o máis cerca posible no marcador, pero en canto os partidos ábrense, os espazos aparecen e danse outro tipo de xogadas, xa que de entrada adoitan predominar os ataques posicionales”.

Invictas en casa
“Oira é unha marabilla, oxalá podamos ser locais aqui moito tempo. É o mellor campo que nos poderían asignar e si melloramos en canto á capacidade física, aínda máis importante será o factor campo”.

Lidia en racha
“O dito a semana pasada. Lidia ten un gran potencial e está aproveitando o seu momento de forma, aínda que debe centrarse máis en corrixir algúns erros que ten, que son máis que lóxicos para a idade que ten”.

“Candela é a viva imaxe da ilusión”

Miguel Saa, adestrador EFF Rosalía

Candela Bouzas
“Candela é a viva imaxe da ilusión, tanto a oportunidade de vir convocada como de xogar titular é algo que se gañou ela sóla e, pese a ser infantil, está mostrando moita máis vontade de querer chegar ao primeiro equipo que as xogadoras de idade cadete e iso ímolo a premiar sempre. Ten un futuro prometedor por diante e hoxe sen dúbida foi a xogadora máis diferencial do partido”.

Un mes sen competición
“Pode ser un arma de dobre filo. Si as xogadoras aceptan e tómanse en serio o traballo programado para este mes será unha gran noticia ter estás semanas, si non, chegaremos á fase definitiva en sería desventaxa”.

Pola súa banda, Francisco Rial, adestrador do Gondomar non dubidou en atender á nosa web ao término do encontro: “Para nós, a primeira parte ben, na segunda, coas lesións e cansazo, baixamos moito. Somos un equipo moi xoven, hoxe había cinco infantís e unha alevín”.

“Hoxe tiñamos un equipo de circunstancias contra un equipo moi compacto que sabe xogar ao fútbol e, malia ser moi novo, ten moito oficio. Para min, foi un gustazo velas xogar, mentres que nós diría que foi o peor partido que xogamos na segunda metade. O resultado é o que menos nos importa porque estamos facendo un equipo para o futuro”.

“Xogamos contra un pedazo de equipo”

Francisco Rial, adestrador do Gondomar F.B.

Rival
“Xogamos contra un pedazo de equipo, que na primeira parte deixounos xogar e elas non xogaron ao 100% e na segunda parte, o resultado di todo”.

Baixas
“Viñemos en cadro. Onte unha xogadora foi baixa por covid, outras tres faltaron por traballo. Tres xogadoras de primeira división, ex-xogadoras do Olivo e non puideron vir e bastante fixeron as mozas que hoxe nos axudaron”.