As alevíns asinaron un partido moi completo e levaron os tres puntos tras un brillante exercicio de intensidade, presión e eficacia ofensiva
A Escola de Fútbol Feminino Rosalía sumou unha importante vitoria a domicilio fronte ao Sárdoma ‘A’ nun encontro marcado pola valentía na presión e a calidade nas transicións. O equipo saíu desde o primeiro minuto con determinación e deixou o seu selo nun partido onde a proposta ofensiva e o traballo colectivo marcaron a diferenza.
O choque comezou con noso equipo impoñendo unha presión intensa e levando o peso ofensivo, as primeiras ocasións foron visitantes. Aos 6 minutos, Lucía dispuxo da primeira chegada clara e, na acción seguinte, Sara roubou tras un saque de porta local e cruzou un balón perfecto para adiantar as pontinas cun tiro axustado ao poste (0-1). Lonxe de conformarse, as nosas seguiron buscando portería. Aos 11 minutos Sara volveu aparecer, esta vez cunha asistencia á carreira por banda de Lucía, que sorprendeu á gardameta rival cun chute potente e cruzado para asinar o 0-2.
O Sárdoma reacciona, pero Rosalía mantén a vantaxe
O Sárdoma respondeu cunha falta directa executada por Antía que recortou distancias (1-2, min. 12′). Foi un tramo no que as locais apertaron, pero as de Aldarita e Zaira mantiveron a calma e recuperaron o control do balón. Sofía, moi activa arriba, asinou unha acción individual de enorme talento tras un saque de banda: recorte, condución e disparo imparable para o terceiro. Só un minuto despois, Emma aproveitou unha recuperación en campo contrario para volver reducir a distancia cun disparo alto que superou a Martina. O encontro chegaba ao descanso con emocións fortes e máxima intensidade.
Segunda parte: control, circulación e un gol de manual
Tras o descanso, o noso alevín saíu máis acougado, con mellor circulación e ocupando os espazos con criterio. O equipo gañou en pausa, moveu o balón con paciencia e desgastou ao rival. Froito dese xogo maduro chegou o cuarto gol. Unha xogada colectiva excelente por banda, con combinación entre Sofía e Valeria, habilitou o desmarque de Naiara. A acción terminou cun centro ao corazón da área onde Valeria López apareceu para culminar con precisión o 2-4, un tanto que a adestradora destacou como exemplo de traballo coral. Desde ese momento, Rosalía manexou o partido con intelixencia e sen conceder opcións claras. Valeria Meixeira —baixo paus na segunda metade— asinou unha parada decisiva ante un disparo afastado desde o círculo central, selando a vitoria.
Próximo reto: seguir crecendo, partido a partido.
FICHA TÉCNICA
2-Sárdoma: Daniela, Carolina, Lara, Alba, Antía, Zaira, Gabriela e Esther. Tamén xogaron: Emma, Amalia e Martina.
4-Rosalía: Martina, Valeria, Naiara, Sofía Meixeira, Sara, Lucía, Antía e Valeria López. Tamén xogaron: Valeria Meixeira, Marta, Andrea, Lía, Enya e Emma.
Goles:
0-1 (minuto 6) Sara
0-2 (minuto 11) Lucía
1-2 (minuto 12) Antía
1-3 (minuto 17) Sofía
2-3 (minuto 18) Emma
2-4 (minuto 29) Valeria López
