E.F.F. Rosalia Escola de Fútbol Feminino
As pontinas debutan este sábado en Tomiño e recibirán ao C.D. Teis na segunda xornada no Municipal de Oira.
A tempada 2025/26 arrinca esta fin de semana para o equipo cadete da Escola de Fútbol Feminino Rosalía, que competirá no Grupo D da Liga Galega Cadete Feminina organizada pola Real Federación Galega de Fútbol. As pontinas comezarán a súa andaina o sábado 4 de outubro, visitando ao Tomiño F.C. Feminino no campo do Alivio. Será a primeira oportunidade para medir forzas nunha competición que se estenderá ata o mes de maio de 2026.
Un grupo competitivo
O Grupo D da Liga Galega Cadete Feminina está formado por 12 equipos:
- C.D. Teis
- C.D. Valladares
- Chapela C.F.
- Club Louro Tameiga
- E.F.F. Rosalía
- Lóstrego C.F.
- R.C. Celta As Celtas
- U.D. Mos
- Sporting Club San Mateo
- Tomiño F.C. Feminino
- Sardoma de Vigo C.F. “A”
- U.D. Ribera
Un cartel de máximo nivel, con derbis de rivalidade, desprazamentos esixentes e partidos moi atractivos.
Un reto ilusionante
Dende a directiva destacan que esta nova temporada supón “un paso máis no crecemento deportivo das xogadoras de base, que terán a oportunidade de competir cada semana contra algúns dos clubs referentes do fútbol galego”. O obxectivo do equipo será medrar colectivamente, consolidar a identidade de xogo e loitar por estar o máis arriba posible na clasificación.
O calendario depara o debut como locais na xornada 2 (11 de outubro), cando as pontinas recibirán ao C.D. Teis no campo Municipal de Oira.
Calendario primeira volta
| 1ª VOLTA | PARTIDO |
| X.1 Sábado, 4 de outubro 16:30horas | Tomiño-Rosalía |
| X.2 11-12 de outubro | Rosalía-Teis |
| X.3 18-19 de outubro | Chapela-Rosalía |
| X.4 25-26 de outubro | Rosalía-Ribeira |
| X.5 8-9 de novembro | Rosalía-Celta |
| X.6 15-16 de novembro | San Mateo-Rosalía |
| X.7 22-23 de novembro | Rosalía-Sárdoma |
| X.8 6-7 de decembro | Valladares-Rosalía |
| X.9 21-22 de decembro | Rosalía-Louro Tameiga |
| X.10 10-11 de xaneiro | Lóstrego-Rosalía |
| X.11 17-18 de xaneiro | Rosalía-Mos |
Plan competicional
A competición contará con catro grupos formados por entre 11 e 14 equipos, o que garante unha ampla representación de clubs de toda Galicia. O torneo arrincará o 5 de outubro de 2025 coa xornada 1 e estenderase ata o 17 de maio de 2026, data na que se disputará a última xornada da fase regular.
Posteriormente, os equipos campións de cada grupo loitarán polo título galego nunha fase final en sede neutral. As semifinais están previstas para o 1 de xuño, mentres que a gran final celebrarase o 7 de xuño de 2026.
O sistema mantén a dinámica habitual: os primeiros clasificados de cada grupo serán quenes accedan á fase decisiva, asegurando un alto nivel competitivo na recta final do curso. Con este plan, a LGF Cadete 2025-2026 prepárase para ofrecer unha tempada intensa, onde a regularidade na liga e a ambición nas eliminatorias marcarán a diferenza na loita polo título.
