E.F.F. Rosalia Escola de Fútbol Feminino
O noso equipo, cuarto clasificado, recibe ao Sporting Burgo na 19.ª xornada co obxectivo de facerse forte en casa (domingo, 12.30 h; tii.vii.gal)
A Escola de Fútbol Feminino Rosalía afronta unha nova cita ligueira no Campo Municipal de Oira coa ambición de volver sumar de tres e consolidarse na zona alta. O equipo chega á xornada 19 en 4.ª posición con 40 puntos, tras 18 partidos, cun balance global de 45 goles a favor e 17 en contra, números que reflicten unha das defensas máis sólidas do campionato.
En Oira, as nosas mostraron unha versión moi fiable con 6 vitorias e 2 empates en 8 encontros como locais (invictas). Co apoio da afección, o obxectivo pasa por impoñer ritmo desde o inicio, ser contundentes nas áreas e manter o nivel competitivo que permitiu sosterse no grupo de cabeza. Ademais, o precedente da primeira volta reforza a confianza. O noso sénior impúxose 0-1, con gol de Bouzas, nun partido moi traballado que se decidiu tras o descanso.
“O partido esixe concentración total desde o minuto un”, Alberto Tamayo
“Queremos que Oira sexa un punto de apoio na segunda volta. A afección e o compromiso do grupo teñen que empuxarnos cara aos tres puntos en cada partido”, indicou Tamayo na previa. No apartado ofensivo, o equipo segue atopando gol desde varias posicións. Destacan Noui (9), Bouzas (6), ademais doutras achegas importantes como 6 tantos Añón, que están a ser decisivas para soster o caudal atacante. Todas elas están na lista de 16 do técnico.
O rival
O Sporting Burgo chega á xornada 19 en 15.ª posición con 10 puntos, cun rexistro que reflicte dificultade para sumar no campionato e unha dinámica recente de resultados adversos. A nivel goleador, a súa referencia e Ainhoa Veiga (5 goles), un foco para vixiar especialmente en transicións e accións a balón parado.
