Rosalía perdoa e Arcadia sentenza tras o descanso

Un penalti crave a favor do noso Infantil antes do descanso e a presión rival tras a continuación deciden o partido

A Escola de Fútbol Feminino Rosalía non conseguiu os tres puntos no seu regreso ao Municipal de Oira. Arcadia impúxose a domicilio na 6ª xornada do campionato con catro tantos na segunda metade e tras fallar Vera un penalti nos primeiros 40 minutos de partido.

Noso Infantil arrincou mellor e gozou das ocasións máis claras no tramo inicial. Aos tres minutos, un centro de Sara Moure desde a esquerda atopou o remate de Lara, que se foi rozando o pau. Cinco minutos máis tarde, un erro na cesión rival propiciou a chegada de Aroa, aínda que o seu tiro non atopou porta. A resposta do Arcadia nos pés de Valeria, tentouno desde a frontal, sen fortuna. A acción máis determinante do primeiro acto chegou no minuto 34′. Lucía Álvarez forzou un penalti de Sofía moi protestado polo banco e afección visitante. Vera converteu cunha paradiña que o árbitro considerou ilegal e ordenou repetir. No segundo intento, o disparo marchou fóra e o marcador mantívose inalterado.

Tras o descanso, Arcadia subiu a presión e atopou premio. No 49’, un saque de banda rival acabou rebotado na área e Sofía Zitouni cruzou para o 0–1. Dous minutos despois, unha perda na saída do balón permitiu a Valeria asinar o 0–2. Miriam sostivo ao equipo con varias intervencións sobre Ana Paula e Daniela, pero outro roubo tras a última xogada en zona perigosa terminou co 0–3 da propia Daniela á hora de xogo. Xa na recta final, novamente, Daniela pechou o marcador cun golpeo axustado desde 20 metros (79’).

O equipo de Carlos e Manu competiu de ti a ti na primeira metade e xerou ocasións suficientes para adiantarse. A eficacia visitante e os erros propios tras o descanso decantaron un resultado que non reflicte os bos minutos iniciais do equipo.

FICHA TÉCNICA
0-Rosalía: Miriam, Lara, Noa, Isabel, Daniela, Vera, Aroa, Nuria Caride, Sara Moure, Noa Pazos e Ari. Tamén xogaron: Daniela Rguez., Vega, Leire, Noa Gil e Lucía.
4-Arcadia: Xiana, Sofía, Carolina, Nerea, Carla, Sara, Valeria, Aldara, Daniela, Stephanie e Sabela. Tamén xogaron: Martina, Sofía Zitouni, Ana Paula e Vera.

Goles:
0–1 (minuto 49) Sofía Zitouni
0–2 (minuto 51) Valeria
0–3 (minuto 60) Daniela
0–4 (minuto 79) Daniela