E.F.F. Rosalia Escola de Fútbol Feminino
O noso equipo afronta esta tarde na Grela a 18ª xornada do campionato (18.00 h; tiivii.gal).
A Escola de Fútbol Feminino Rosalía afronta esta fin de semana un exame de máxima esixencia coa visita ao Vitoria CF “B”, actual líder da competición. O conxunto pontino encara o encontro cunha idea clara, romper a dinámica sen vitorias nesta segunda volta e volver sumar de tres nun escenario de nivel co que firmou táboas na primera volta en Oira (Sampi e Miriam, Gjegji (2)).
O choque mide a dous equipos situados na parte nobre da táboa. O Vitoria CF “B” chega como primeiro clasificado con 43 puntos, mentres que o noso equipo ocupa a 3.ª posición con 39. O equipo dirixido por Alberto Tamayo busca reencontrarse coa vitoria na segunda volta. Nas dúas xornadas disputadas tras o parón, caeu ante o Vilalonga ‘F.F. ‘B’ e asinou táboas fronte ao Vitoria FC ‘B’. A pesar de iso, o balance global do curso segue sendo sólido: 44 goles a favor e 16 en contra, cifras que reflicten un bloque competitivo e difícil de superar cando impón o seu plan de partido.
“Ante un líder tan fiable, a concentración e a solidariedade defensiva son innegociables”, Alberto Tamayo
“Sabemos o rival que temos diante, pero tamén sabemos quen somos. Queremos ser valentes, competir cada duelo e chegar vivas ao tramo final”, indico o noso técnico na previa. Para a cita, Tamayo non poderá contar con Lú e Sara, lesionadas de longa duración. Si estará Noui, que viu porta en tres dos seis últimos goles oficiais do noso equipo.
O rival: un líder en refacho
O Vitoria CF ‘B’ presenta credenciais potentes: 63 goles marcados e 17 encaixados, ademais dun refacho recente de cinco vitorias consecutivas. En casa, o seu rendemento está a ser especialmente fiable (pleno de triunfos como local no que vai de Liga). Destacando na faceta ofensiva Ambra Gjegji, máxima goleadora do campionato con 17 tantos.
