O derbi promesas, unha festa do fútbol

Festa do clube, derbi dos nosos dous equipos promesas, no mellor escenario posible, no Monte da Aira onde dende a nosa chegada o clube local o CD Velle fixo que nos sentíramos como na nosa casa.

O derbi da primeira volta fora moi igualado e a imaxe que viñan dando as nosas pequenas do promesas “B” de Juanma Bello nas últimas datas moi esperanzadora, con empates de mérito en sendas remontadas fronte o segundo e terceiro clasificado. Pero a historia foi ben distinta, as rapazas de Alba tiñan ante si a posibilidade de matemáticamente asegurarse o primeiro posto da categoría sur e sairon moi enchufadas. Eso, unido a que as de Juanma Bello non tiveron o seu mellor día, fixo que o partido fora máis desigual do que todos agardábamos.

Quedan dúas xornadas para rematar a primeira fase da Liga Promesas. O “A” xa ten asegurado o seu billete para loitar polo título cas mellores do norte e do sur e as pequenas do “B” disputarán unha competición co mesmo número de partidos cas súas compañeiras, cas clasificadas na metade da tabla para abaixo do grupo norte e sur.

Esta segunda parte da liga disputarase polo método de concentracións e Ourense será sede dunha delas. Esperemos que os nosos dous equipos disfruten desta segunda fase e poidan seguir co seu desarrollo integral como futbolistas e o máis importante, como personas. A seguir disfrutando!!!

Lembrade que tedes unha amplia Galería Fotográfica do derbi na sección da nosa web.