10-0: Rosalía sigue invicta en la Liga

O equipo, que encadena 5 encontros vencendo, selou a súa vitoria na primeira metade cos goles de Noui (3), Zaira (2) e Aida.

A Escuela de Fútbol Femenina Rosalía tiña que gañar ao Lalín para seguir invicta na Liga e sumou tres importantes puntos para consolidar a súa clasificación aos playoffs de ascenso. O triunfo selouse na primeira metade cos goles de Zaira, Noui e Aida nos primeiros 45 minutos, A primeira ocasión protagonizouna Noui aos tres minutos, pero o seu disparo intentando superar por alto a Lucía e detido en dous tempos. O primeiro chegou a balón parado logo dunha man Xiana ao bordo de área. Zaira provócao e ela mesma colócaa na escuadra para adiantar ás azuis no marcador.

O gol local minou a moral das lalinenses, situación que aproveitaron as xogadoras de Miguel Saa para dar un paso adiante e resolver o partido. As pontinas ían a por máis goles pero non creaban ocasións claras. O segundo, dez minutos máis tarde, chegou logo dun erro no despexe de Andrea que provocou un barullo no bordo do área, o balón caeu aos pés de Saray, que asistiu a Noui que cruzou o balón ante a defensa de Antía e Laura a onde non puido chegar Lucía.

Tres goles en cinco minutos
A sentenza definitiva chegou con tres goles en cinco minutos, desde o 27 ao 32. Noui repetiu ao rematar un rexeite de Lucía a un centro de Yadira en área pequena. Tres minutos máis tarde, córner sacado por Zaira, rexeita a defensa e o balón cae aos piés de Aida ao bordo do área. A centrocampista non dubida en tirar e o balón acaba no fondo da rede. No seguinte achegamento chegou o quinto (terceiro da dianteira). Xogada por banda de Aida e Sabela, centro ao momento de penalti e Noui sen obstáculos colócaa ao pau esquerdo da portería defendía por Lucía.

Yadira caeu lesionada nos minutos finais da primeira parte.

Lesión de Yadira
A piques de rematar a primeira metade, minuto fatídico. Xogada por banda de Yadira, o seu centro rexéitao a defensa visitante e Xiana e Yadira buscan o balón, a defensa salta por encima da súa rival e na caida torce o xeonllo dereito e ten que abandonar o campo. Momento negativo do partido preludio do sexto. Aida triangula con Zaira, que con forte chut dende fora do área marca o segundo da sua conta.

Tralo paso polos vestuarios, Patricia substituíu a Sequeiros e Silvia a Aida e no 53′ Saa deu entrada ás infantís Ester e Sara en lugar de Noui e Sabela. Precisamente unha das recentemente incorporadas logrou marcar aos trece minutos de entrar o seguinte gol. Un balón ás costas da defensa de Silvia recólleo Patricia no área e supera a saída de Lucía marcando na súa debut coa camiseta azul esta tempada. Catro minutos despois, Zaira saca un cornér e o balón peta na perna de Ainhoa, despistada pola sua porteira, introducindo o esférico na súa propia porta.

Remate
Os dous últimos tiveron a firma de Zaira e Saray. O terceiro da dianteira chegou tras un saque de banda de Silvia que cede a Ester. O seu centro desde a dereita remátao Zaira no segundo pau. No 83′, Aldarita recupera no medio campo, cede a Silvia que filtrou un bonito pase a Patricia e o seu posterior centro remátao a porta baleira no Segundo pau Saray para marcar o seu segundo gol ao Lalín nesta campaña. Os de Saa, que terminaron imbatidos nos cinco encontros desta campaña, xa pensan no seguinte partido en Monforte.

Check Also

Parte médico de Yadira Alonso

Tralas probas realizadas esta semana á nosa xogadora Yadira Alonso polos Servizos Médicos da Escuela …

Skip to content

Si continuas utilizando este sitio aceptas el uso de cookies. más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar