Volta ao Municipal de Oira en busca de tres puntos

Volve a liga a Ponte Canedo! E á Escola de Fútbol Feminina Rosalía Cadete tócalle afrontar a xornada 6 ante o Tomiño FCF (sábado 3 de decembro, ás 18:30 horas).

O conxunto azul, desexoso de sumar de tres en tres en casa, poñerá todas as súas armas para loitar nun duelo no Municipal de Oira. As nosas chegan a este partido despois dunha dolorosa derrota 4-1 contra Lóstrego CF onde o equipo mereceu máis. Sentando as bases do seu xogo e iniciando os duelos cunha alta intensidade, as de Alberto Tamayo necesitan alzar o voo esta fin de semana despois de lograr 3 no seu último encontro ante a súa afección.

Pola súa banda, o Tomiño FCF, liderado por Sara Álvarez, chega a este xornada tras encaixar unha dura derrota 1-10 contra o líder Umia Cf. Actualmente, as da comarca do baixo Miño ocupan a 7ª praza na táboa de clasificación con cero vitorias e cinco derrotas no que leva transcorrido da liga Galega Cadete Feminina.

Alberto Tamayo, técnico pontino, non poderá contar Lucilú e Aldara e contará co debut de Tegra. A lista de 16 a compoñen Paula, Alma, Noa, Tegra, Lucía Novoa, Aitana, Torres, Cougil, Antía, Lara, Irene, Xiana, Sanmiguel, Candelita, Blanca e Clau.

O duelo estará dirixido pola colexiada Uxía Boimorto Blanco do comité ourensano.