E.F.F. Rosalia Escola de Fútbol Feminino
A primeira sesión da pretempada dará comezo ás 21:00 horas
O primeiro equipo da Escola de Fútbol Feminina Rosalía ponse en funcionamento mañá mércores día 17 nas instalacións deportivas municipais de Oira a partir das 21:00 horas no campo de fútbol-11. Serán, en principio, cinco semanas de intensa preparación para afrontar con garantías a súa quinta tempada consecutiva na Segunda División Autonómica Feminina.
A principal novidade que presenta o equipo atópase nos bancos. O técnico, Pere Tobaruela, que chegou esta primavera a Oira, terá unha pretempada completa para poder inculcar as súas ideas ás xogadoras, despois de confirmar a súa continuidade o pasado maio, unha semana despois do termo da tempada.
Outra das notas significativas será que o senior trasladarase durante todo o ano ás instalacións municipais de Oira, xunto aos demais equipos do club.
Así mesmo, xa se van perfilando unha serie de encontros amigables. A falta de pechar definitivamente os compromisos estivales, o senior visitará ao Sárdoma CF Feminino o día 21 de agosto e disputará o seu primeiro partido amigable en casa o 2 de setembro fronte á SD Chantada, entre outros compromisos.
Un total de 23 xogadoras foron citadas ás 20:45 horas no Municipal de Oira e, quince minutos máis tarde aproximadamente, as futbolistas saltarán ao terreo de xogo do campo de fútbol-11 para levar a cabo o primeiro adestramento baixo as ordes do técnico
