A EFF Rosalía paga a súa falta de acerto ante un Friol máis efectivo

3 semanas ago Equipo senior 556 Visualizaciones

As pontinas tiveron ocasións, pero dous goles antes do descanso decantaron o partido para o Friol.

A Escola de Fútbol Feminino Rosalía non puido sumar na segunda xornada da 3ª Federación tras perder por 0-2 ante o PM Friol no Municipal de Oira. O conxunto pontino ofreceu unha boa imaxe, xerou ocasións e mantivo a intensidade durante todo o encontro, pero a maior efectividade visitante acabou decidindo o marcador.

A Escola de Fútbol Feminio Rosalía e o Friol protagonizaron un partido intenso e igualado no Municipal de Oira, con alternativas desde os primeiros minutos. As visitantes saíron buscando sorprender con disparos desde fóra da área, obrigando a Karla a intervir en varias ocasións, mentres que as pontinas foron medrando co paso do encontro. As locais atoparon espazos no ataque e dispuxeron de boas chegadas a través de Aline, Aldarita e Noui. A ocasión máis clara da primeira metade chegou tras unha recuperación de Sampayo en campo rival, que combinou con Noui nunha acción que acabou cunha boa intervención de Sara.

Cando o encontro estaba máis equilibrado chegou o primeiro golpe visitante. No minuto 38, tras unha chegada pola banda e un primeiro remate despexe de Karla, Nerea aproveitou o rexeite para facer o 0-1. Noso sénior intentou reaccionar antes do descanso, pero o Friol ampliou a súa vantaxe no tempo engadido da primeira parte. Itziar gañou a carreira a zaga local tras un balón longo e superou a saída de Karla para establecer o 0-2.

Na segunda metade, o equipo dirixido por Alberto Tamayo deu un paso adiante e buscou reducir diferenzas. As entradas de Amelia, Losada e Andrea deron máis presenza ofensiva ao equipo local. Desta maneira o equipo deu un paso adiante e acumulou ocasións claras tras o descanso. Aldarita, Amelia, Candelita e Andrea tiveron opcións para achegarse no marcador, pero Sara evitou o gol local con varias intervencións de mérito. O Friol tamén dispuxo de oportunidades para sentenciar, pero o resultado xa non se movería. As pontinas buscaron o tanto ata o asubío final nun partido no que o traballo e a entrega non tiveron recompensa.

“O equipo competiu moi ben ante un rival complicado. Creo que tivemos momentos nos que fomos superiores e xeramos ocasións suficientes para facer algún gol, pero faltounos acerto nas áreas”.

“Temos que quedar coa actitude das xogadoras. Non baixaron os brazos en ningún momento e seguiron buscando o partido ata o final. Esa é a liña que queremos manter durante toda a tempada”.

“Esta categoría esíxenos moito”, Alberto Tamayo.

Alberto Tamayo, en declaracións a nosa web, destacou que “o equipo competiu moi ben ante un rival complicado. Creo que tivemos momentos nos que fomos superiores e xeramos ocasións suficientes para facer algún gol, pero faltounos acerto nas áreas”. “Temos que quedar coa actitude das xogadoras. Non baixaron os brazos en ningún momento e seguiron buscando o partido ata o final. Esa é a liña que queremos manter durante toda a tempada”, añadiu o técnico para destacar que “Esta categoría esíxenos moito, pero sabemos que este equipo ten capacidade para competir contra calquera rival”.

FICHA TÉCNICA