Amplia representación na primeira convocatoria da selección ourensana sub14

As 18 xogadoras convocadas por Alba Rodríguez completaron no campo de fútbol Manuel do Poligono de San Cibrao das Viñas o primeiro adestramento da selección ourensana de fútbol feminino sub14.

A sesión comezou cunha charla do corpo técnico coas xogadoras, ainda que moitas xa se coñecían doutros anos pero tamén había algunha cara nova. A continuación, as xogadoras formaron en dous equipos para ver cómo se desenvolvían no terreo de xogo. Según citou a técnica ao remate: “O obxectivo principal deste primeiro adestramento era coñecer a xogadoras da provincia para poder facer aos poucos a selección das 18 definitivas. No próximo adestramento queremos convocar a outras nenas que nos quedan por ver, e despois elixir ás 18 que consideramos máis preparadas para este campionato e empezar a traballar con elas”.

Cuquejo e Matilde Pousa (Ourense CF) nun lance do adestramento

Tamén era o primeiro contacto como adestradora da segunda de Alba, Janali Cañás (xogadora da UD Mos) “Dirixir a nenas, como a calquera outro equipo, encántame e é un traballo onde recibes máis do que dás. Achegarei toda a miña experiencia, motivacion e coñecemento nesta aventura”, dixo ao remate.

As duas adestradoras seguen con atención as xogadoras

A selección sub14 seguirá preparándose cara a participación no campionato comarca de seleccións galegas que se disputará en Semana Santa.

Check Also

Derrota do Infantil ante un superior Mos

As azuis non puideron puntuar no Municipal de Oira ante o líder da categoría. A …

Skip to content