Derrota do Infantil ante un sempre efectivo Mos

As ‘avespas’, que anotaron os dous goles na segunda parte, atopáronse cun equipo Infantil ben posicionado pero sen sorte cara portería rival.

A Escola de Fútbol Feminina Rosalía Infantil caeu derrotada no penúltimo partido a domicilio da primeira fase ante o Mos (2-0). As de Quique e Castro, que chegaban a esta cita con ilusión a pesar de ser conscientes da dificultade, vanse sen carga das Baolutas. Na primeira metade, o conxunto pontino comezou aguantando ben posicionado, con moita tensión e un ritmo e intensidade altísima por parte dos dous equipos, aínda que o noso equipo dispuxo da primeira ocasión por mediación de Sara, cando nunha saída en falso de Lucía Otero, tenta disparar de vaselina non contactando ben co balón. Acto seguido , o árbitro pita unha cesión inexistente na nosa área a favor do Mos. O disparo iríase ao lateral da rede. A primeira parte finalizaría sen moitas ocasións claras e cos dous equipos ben plantados pugnando polo dominio do partido.

Xa na a segunda metade, o noso equipo saíu coa mesma idea, ser sólidas defensivamente e aproveitar o espazo que nos/nos concedían ás súas costas coa velocidade das nosas atacantes. Novamente Sara dispón da primeira ocasión. A dianteira preséntase ante a gardameta rival man a man, pero o seu ‘chute’ vaise fóra por centímetros. Acto seguido, a resposta local, Elisa aproveita un erro no despexe de Karla para marcar a pracer o 0-1 (minuto 44′). Golpe anímico para as novas xogadoras do Infantil, do cal non conseguirían repoñerse. Oito minutos despois, un pase longo cae a novamente a Elisa e a dianteira amarela define moi ben pola esquina inferior dereita da nosa portería. As pontinas botáronse arriba en busca de recortar a diferenza, pero con máis corazón que cabeza.

Con este resultado, a Escola de Fútbol Feminina Rosalía Infantil queda sen sumar nunha partido clave para lograr acabar primeiras na primeira fase e xa pensa no que lle vén a próxima xornada, dentro de 15 días. As pontinas afrontarán a primeira fin de semana de febreiro, novamente no Municipal de Oira, o duelo fronte a Arcadia EF.

Check Also

O Infantil gaña ao Louro no Municipal de Oira

O noso equipo fíxose co triunfo grazas aos tantos de Sara, Cayetana e Mihret (2). …

Skip to content