EFF Rosalía-SG Comercial: a pola cuarta vitoria consecutiva

As de Saa regresan ao seu campo logo da xornada de descanso para medirse ao Comercial na última xornada da primeira volta (12:00 h; Monte da Aira).

A Liga entra na súa última xornada da primeira volta e a Escuela de Fútbol Femenina Rosalía quere seguir encabezando en solitario a táboa clasificatoria do Grupo E da 2ª División Autonómica Feminina. As de Saa afrontan mañá un partido transcendental para ver o potencial do equipo. En fronte estará o Comercial, que chega ao Monte da Aira logo de ter que aprazar os seus dous últimos partidos (12:00 h; Monte dá Aira).

Este choque significará o regreso da EFF Rosalía ao Monte dá Aira 20 días despois en partido oficial. O partido contra Monteforte foi o último encontro das de Saa en casa, que suman no seu campo cinco triunfos consecutivos, 42 goles a favor e 2 en contra. Será ademais o primeiro partido que disputen as azuis neste mes de maio.

“Elas están con todas as ganas e toda a intención de volver á competición a xogarnos tres puntos e sumar outros tres e seguir así”, indicou Saa na conferencia de prensa previa a este partido, ao que o seu equipo chega tras encadenar todos os partidos invicto e sen encaixar gol. Esta é a convocatoria do técnico vigués, que recuperaba a Silvia, pero despois do último adestramento da semana causa baixa xunto a Celsa, Alba e Paula:

Porteira: Rocío.
Defensas: Bea, Sabela, Yadira, Sequeiros, Isis e Noa Domínguez.
Centrocampistas: Aldarita, Saray, Lidia, Aida, Ainara, Marta Besada e Fírvida.
Dianteiras: Zaira e Noui.

Comercial
O conxunto lugués afronta a xornada 5 de Liga logo de tan só xogar un partido de tres posibles, un empate en casa fronte ao Lalín e ver como os dous seguintes eran aprazados por motivos sanitarios. Jenny, con tres tantos, é a máxima goleadora das de Vivian, que son terceiras na táboa e seguro loitasen polos primeiros postos.

Resto da xornada
O sábado a partir das 18:00 horas no Luís Gorgoso de Lugo disputarase o outro encontro do Grupo E entre Milagrosa e Lalín. Partido no cal as locais intentarán gañar os seus primeiros puntos na Liga 2020/21. Esta semana Monteforte será o equipo que terá xornada de descanso.