Fin de semana canteira na Liga Promesas

Boas sensacións, malos resultados, definición da primeira xornada das nosas representantes en Liga Promesas

O Promesas “A” caeu ante o Umia CF, mentres que o Promesas “B” tampouco puido sumar puntos ante a UD Mos en o Municipal de Oira (Ponte Canedo). Malia non empezar con bo pe a competición, as sensacións que mostraron no campo as xogadoras de ambos equipos resaltan o positivo da xornada.

Promesas “A” vs Umia CF
Despois do partido das súas compañeiras do Promesas “B”, tocou a quenda para as “maiores”. Equipo con moitas novidades, para a metade do persoal será a súa primeira tempada en competición oficial. O rival, unha das mellores canteiras da zona sur de Galicia que sempre presenta equipos competitivos, algo que demostraron na matinal do domingo no Municipal de Oira. O partido estivo igualado no seu maior parte, sobre todo unha vez que as pupilas de María Feijóo deixaron atrás os nervios do debut e igualaron forzas ante as vermellas, pero unha xogada puntual nos minutos finais decantó o partido ao lado visitante.

A técnico do equipo “A” rematou moi contento co visto sobre o terreo de xogo: “Partido con moi boa nota para as xogadoras a pesar do resultado. Estamos ainda sen adestrar a parte táctica xa que nos centramos noutros aspectos que creemos que son mais importantes como a cordinación. Estaban nerviosas por ser o primeiro partido de Liga e na casa e creo que iso tamen nos xogou unha mala pasada. Non estamos centradas nos resultados senón na evolución individual de cada xogadora, algo que están mellorando a pasos axigantados”.

Promesas “B” vs UD Mos
O equipo dirixido por Javier Alonso foi o primeiro en estrear a competición no campo de Fútbol 8 do Municipal de Oira, instalación onde xogasen este ano os seus partidos de Liga. Empezou o partido cunha gran presión rival o que afogou a saída de balón das azuis, que non lograban pasar de medio campo. Dita presión provocou varias chegadas á portería defendida por Paula, que foron aproveitadas polas moenses para distanciarse no marcador. Non se amilanaron as pontinas, que souberon como desfacerse da presión rival e o partido igualouse ata o medio tempo. Na segunda metade o partido igualuse pero a superioridade física das amarelas decantaron o resultado cara o equipo visitante.

“Pese ao resultado saímos contentos do partido realizado”

Javier Alonso, adestrador EFF Rosalía “B”

A pesar do resultado final o equipo sempre deu a cara, tal como reseñaba Javier ao remate do mesmo: “para ser o primeiro partido oficial e ante un gran rival como a UD Mos, executaron as indicacións que lles demos nun principio. Pese ao resultado saímos tanto corpo técnico como xogadoras contentos co partido realizado”.

Check Also

Fin de semana da canteira

Vitoria do Promesas ‘A’ e derrota do Promesas ‘B’. Novo fin de semana de compromisos …

Skip to content

Si continuas utilizando este sitio aceptas el uso de cookies. más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar