E.F.F. Rosalia Escola de Fútbol Feminino
Victoria fixo os tantos pontinos ante un conxunto “inglés” que aproveitou as que tivo para levarse o partido.
A Escuela de Fútbol Femenino Rosalía caeu derrotada ante o Atlético Arousana no comezo de tempada (4-3). O conxunto de Diego Castro mostrouse superior desde o inicio aínda que non logrou materializar todo o que tivo, algo que si levou a cabo o conxunto local, que logrou desactivar por momentos o plan azul ata o punto de ata chegar a poñer terra polo medio.
Na primeira metade foron as pontinas quen comezaron dominando e con ocasións. Rosalía foi a protagonista con balón e propuxo todo o peso do xogo, con innumerables chegadas. Dous balóns ao pao, un gol anulado por rigoroso fóra de xogo e máis de cinco mans a mans contra a porteira rival. “A falta de acerto nas dúas áreas nos penalizó”. sinalou Castro ao remate do encontro.
Catro goles na primeira metade
Victoria foi a primeira en atopar portería neste caso para as visitantes no primeiro disparo sobre a portería de Uxía xusto ao cumprirse o minuto tres de xogo. Ese gol non amilanou ás arousanas, que atoparon premio co empate dous minutos máis tarde cun tanto de Silvia Dieste a balón parado. A raíz do gol, nosas rivais non se conformaron e seguiron apertando os seguintes minutos, ata conseguir darlle a volta ao marcador no minuto 10 por medio de Elena. Resultado que non desmoralizó ás pupilas de Castro, que tras varios intentos e ocasións na portería contraria conseguirían poñer táboas de novo no marcador no minuto 23, sendo a goleadora de novo Victoria.
Trala reanudación, o equipo local aproveitou unha indecisión da defensa para volver adiantarse no marcador nuevamente por medio de Silvia Dieste (51′). A resposta, catro minutos despois e a mesma protagonista por parte das azuis. Aproveitando unha das bastantes ocasións que xerou o equipo, Victoria volveu anotar ,4-4. Resultado que non durou moito. Aldara Rey, adiantaba definitivamente ás “inglesas” un minuto despois. Seguírono intentando as azuis creando varias ocasións máis pero o marcador xa non se movería ata o pitido final.
“Traballaremos para converter en gol todas as nosas ocasións“
Diego Castro, adestrador EFF Rosalía Infantil
Malia volver de terras do Salnés sen premio, Diego Castro estaba contento coas súas xogadoras: “En traballo, esforzo, xogo e valentía non temos queixa”, o único “pero” para o técnico “as ocasións falladas por falta de definición, pero traballaremos para converter en gol todas as nosas ocasións”. A seguinte oportunidade o próximo fin de semana no Monte dá Aira fronte ao Umia CF.
