Liga Promesas: O líder visitou o Monte da Aira

O equipo Promesas segue terceiro tras caer derrotado co Mos nun partido que non tivo ningunha opción de vitoria.

Gran nivel o que mostrou o líder no oitavo partido da primeira fase ante o Promesas do Rosalía. O conxunto dirixido por María Feijóo perdeu ante o Mos, segue terceiro na clasificación e non dependerá de si mesmo nos tres partidos restantes para disputar a Fase Final de Liga Promesas Feminina (o próximo fin de semana a domicilio contra o Arousana intentará aumentar suas opcións).

Descoñecidas, é foi a impresión dos afeccionados azuis ao ver o xogo despregado polas pequenas rosalías na matinal do sábado. En ningún momento despregaron o seu estilo de xogo e sempre se viron superadas polas moenses. “Levan varios partidos donde non se sinten cómodas e donde o xogo non é o que nos identificou na ida. Foron completamente superiores, elas teñen unha gran plantilla, intentamos facer frente pero o nivel non da para máis”, sinalou Feijóo ao remate. A UD Mos mostrouse moi superior en todo o encontro e apenas lles crearon perigo as dianteiras azuis, que tantos problemas provocaron na primera volta.

Clave será a visita a Vilagarcía da próxima semana. Un partido que decidirá definitivamente si o equipo dirixido por María Feijóo xa se despide da poción de clasificarse á que sería a súa segunda participación na fase final de Liga Promesas. A adestradora teno claro: “Agora cambiamos o chip, quitámonos da cabeza a idea de meternos na loita polo título de liga, que eu creo que iso tamén non nos beneficiaba. Centrarémonos en seguir formando xogadoras e que disfruten destes últimos partidos”.

Formación, é a palabra que define esta categoría do fútbol feminino galego e con ese obxectivo saen cada fin de semana as máis pequenas a competir.