E.F.F. Rosalia Escola de Fútbol Feminino
Por primeira vez na tempada dobre vitoria dos equipos da Liga Promesas.
Despois de trece días sen competicións oficiais, os dous equipos da EFF Rosalía voltaron a xogar na 16ª xornada da Liga Promesas.
Juventud de Cambados-EFF Rosalía
As promesas “A” de Juanma Bello desprazáronse ata a comarca do Salnés para enfrontarse as amarelas do Juventud de Cambados. O partido foi dominado polas ourensás de principio a fin voltando a deixar a súa porta a cero unha vez máis. En catorce xornadas as nosas promesas “A” só encaixaron sete goles, significativo dato do bo traballo que están a realizar en tareas defensivas.
SPC San Mateo-EFF Rosalía “B”
Viaxe mais curto o das xogadoras do Promesas “B” ata a parroquia de San Mateo de Ponteareas para seguir acumulando experiencias. A primeira, xogar nun campo de herba natural, que ao estar húmido facía que a velocidade do balón fora moi diferente á que están acostumadas. Pero as peques azuis saíron en tromba e sorprenderon cunha primeira parte de dominio absoluto onde tódalas ocasións eran no portal das locais. Chegouse ao descanso co marcador inicial e os nervios estaban a flor de pel xa que se palpaba que a primeira vitoria podería chegar, só faltaba que a pelota entrara.
Ao inicio da segunda parte, tras un rexeite ao borde da área, Lea dispara e o balón cólase por riba da porteira local poñendo ao “B” en vantaxe no marcador por primeira vez no que vai de liga. Lonxe de amedrentarse ou porse nerviosas, seguiron atacando a portería das laranxas e nunha destas Carballo a poucos minutos do final desfaise de dúas rivais e tira a porta ca fortuna de petar nunha defensa e desviar a traxectoria para facer así o dous a cero a escasos minutos e levar a ledicia desmedida ao banco das azuis.
Para Feijoó “Foi un partido no que ibamos mentalizadas para poder gañalo, esta segunda volta queremos dar sorpresas e hoxe foi o inicio do que vai chegar. Están traballando moito en cada adestramento e en cada partido. Enséñamoslle a filosofía do esforzo, constancia e dedicación para que sigan progresando. Vendo como están a evolucionar estas loitadoras é admirable e un orgullo para min como adestradora”
