E.F.F. Rosalia Escola de Fútbol Feminino
A EFF Rosalía Cadete disputará mañá o terceiro dos seus encontros do mes de novembro co firme propósito de sumar a súa segunda vitoria consecutiva.
Sen tempo para saborear a vitoria da pasada xornada ante San Mateo, a Escola de Fútbol Feminina Rosalía afronta unha nuevo parada no camiño e que as azuis queren que sirva para coller impulso e empezar a abandonar os postos de abaixo. Toca parar en Gondomar e medirse ao conxunto do “raio”, que navega pola zona nobre da táboa tras un bo inicio de Liga.
O conxunto pontevedrés chega á cita tras empatar a domicilio en Barrantes (1-1) e no seu propio feudo ante o Mos (1-1). Precisamente é en casa onde as locais marcan o 70% dos seus goles. Porque á igualada ante o cadro moense hai que sumarlle a vitoria cultivada ante o Tomiño (4-0). Todo iso valeulle para alcanzar a terceira praza ligueira.
Pola súa banda, o Cadete quitouse un tremendo peso de encima o pasado sábado 12 coa súa vitoria ante o San Mateo (2-0). Agora toca consolidar o bo que se fixo no Municipal de Oira e tentar sumar a segunda vitoria consecutiva.
No plano deportivo, Tamayo recupera a Nair despois de duas semanas de ausencia, converténdose na novidade da convocatoria de 16 xogadoras do técnico: Lucilú, Aldara, Alma, Noa, Lucía Novoa, Aitana, Torres, Caride, Antía, Nair, Irene, Xiana, Sanmiguel, Miriam, Blanca e Clau.
O encontro arrincará ás 16:15 horas e o árbitro do partido será Diego Rodríguez Covelo, do comité vigués.
