O balón voltou a rodar para a EFF Rosalía Infantil

16 xogadoras estiveron presentes no primeiro adestramento da tempada 2020/21 no seu estreo no Monte da Aira.

Oito meses despois a Escuela de Fútbol Femenino Rosalía Infantil volvía ao Monte da Aira de Velle para empezar a que se presupón unha tempada 2020/21 anormal. Non existen datas de comezo da competición e a planificación do corpo técnico formado por Alba Rodríguez e Vane Abadín terá que ser diferente: “Esta tempada témola que afrontar doutra forma, xa que ao non haber competición non temos un obxectivo semanal concreto para preparar os partidos, pero é unha boa ocasión para mellorar a táctica individual”, sinalou a adestradora.

Alba e Vane encargaranse da EFF Rosalía Infantil.

Rematou así a primeira semana de adestramentos coa sensación de que as xogadoras do infantil xa tiñan moitas gañas de voltar a desfrutar do seu deporte preferido, o fútbol.

O balón rodou novamente no Monte da Aira para as infantís.

En declaracións a nosa web, Alba sinalou que “ter un gran número de xogadoras é unha gran noticia para o club e para o fútbol feminino xa que significa que está crecendo”. Algo que non vai ser un problema malia non haber competición a curto prazo “teremos tamén competición interna dentro do equipo, para non perder esa motivación ao competir e medirnos coas demais”.

Xa se puido ver competitividade nos primeiros partidillos.

Para rematar, o corpo técnico sabe que vai ser unha tempada atípica polo que “Os adestradores e adestradoras debemos adaptarnos ao número de xogadoras, así como aos distintos ritmos de aprendizaxe e de habilidades, e intentar conseguir o maior progreso posible en todas elas. Si que é certo que canto maior sexa o número de xogadoras, menor será a individualización e polo tanto menos persoal o feedback”.

O luns ás 18:00 horas voltarán aos adestramentos no Monte da Aira de Velle.

Check Also

“Vane” Abadín incorpórase como axudante á EFF Rosalía infantil

A ourensá chega ao clube despois de oito anos na arbitraxe. Despois de completar o …

Si continuas utilizando este sitio aceptas el uso de cookies. más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar