E.F.F. Rosalia Escola de Fútbol Feminino
12h, A Gándara-Chaín: O conxunto azul quere comezar o ano a domicilio reencontrando o camiño do triunfo.
O primeiro partido de Liga e o primeiro despois de 35 días do 2023 será este domingo contra o Lóstrego de Gondomar. Posteriormente quedarán dúas xornadas en casa e outras dúas a domicilio para terminar a primeira fase, pero o ‘Infantil‘ quere xa reencontrarse co camiño do triunfo, abrir todo un ano e quitarse o mal sabor da Gandara-Valladares, encontro que terminou con empate sen goles no último encontro da tempada en 2022.
Con cinco vitorias e dous empates en Liga, a EFF Rosalía Infantil é segundo do campionato, cun punto máis respecto ao terceiro, o Valladares (cun partido menos). Lóstrego, pola súa banda, vive una temporada irregular. É quinto, con duas vitorias, e ten a dez puntos o acceso á fase título.
Os técnicos, Quique e Castro, citaron para o primeiro encontro do ano ás seguintes 16 xogadoras:
CONVOCATORIA EFF ROSALÍA
Porteira: Karla.
Defensas: Esmeralda, Aline, Ainara, Miriam e Virginia.
Centrocampistas: Sabela, Andrea, Lucía Carral, Lea, Ainhoa e Alba.
Dianteiras: Candela Losada, Xiana, Sara e Sofía.
O encontro correspondente á décima xornada da liga Galega Infantil Feminina estará dirixido polo colexiado Raul Casal Almeida, do comité técnico de árbitros de Vigo.
