E.F.F. Rosalia Escola de Fútbol Feminino
Voltamos ao Monte da Aira para recibir ó líder e máximo favorito a levarse o título na tempada regular (domingo, 12:00h).
“Vai a ser un rival moi compricado, nestas duas xornadas elas gañaron, no primeiro partido quedaron 5-3, gañaron de dous pero no segundo quedaron 7-0”, destacou Iván Canal na sala de prensa.
https://www.effrosalia.es/rolda-de-prensa-previa-da-3a-xor-eff-rosalia-vs-sd-chispa-feminino/
Visítanos un clube ao que sorprendentemente se lle escapou o ascenso a tempada pasada despois de arrasar no grupo III da segunda división autonómica e incluso gañar 0-1 no Alivio de Tomiño no partido de ida da rolda de campións polo ascenso…. pero sorprendentemente escapouselle entre os dedos no partido de volta ao caer derrotado por 0-2.
Este ano a historia será diferente, foron encuadradas no grupo IV, na nosa modesta opinión o máis forte de tódolos grupos como demostraron os tres ascensos do ano pasado, inda así son as máximas favoritas xunto co Rápido Pereiró, que xa nos visitou e as Rosalías non llo puxeron fácil. Estamos seguros de que o partido do domingo será de poder a poder.
As de Canal chegan nun bo momento, despois de gañar e remontar en San Mateo, complicadísimo campo de herba natural e de facer un bo partido fronte o Pereiró. Ainda que Canal ten a varias xogadoras tocadas, estamos seguros de que o Chispa non o vai ter nada sinxelo fronte as xoves xogadores azuis.
Iván Canal e Juanma Bello convocaron a 16 xogadoras para o encontro de mañá domingo.
CONVOCATORIA DA EFF ROSALÍA:
Porteiras: Rocío.
DEFENSAS: Aldara Sequeiros, Feijóo, Cae, Noa Domínguez, Andrea e Isis.
CENTROCAMPISTAS: Alba, Lidia, Noa Fírvida, Patricia, Aldarita, Sabela e Yadira.
DIANTEIRAS: Zaira e Noa Fernández.
Precedentes.
Esta será a primeira ocasión na que se enfrenten os dous equipos.
Resto da xornada.
No resto da xornada destaca o enfrontamento entre o Pereiró e un San Mateo que ben seguro intentará sumar os seu primeiros puntos da tempada no difícil campo do Monte da Mina. Un dos colíderes, Bueu, visita o Federativo de Coia para intentar seguir a senda do Chispa e Pereiró na cima da taboa, pero ben seguro que o Balaidos non poñera as cousas fáciles.
Na parte baixa, Marín, Mosteiro, Juventud de Cambados e Ponte Caldelas intentarán sumar tamén os seus primeiros puntos.
Os enfrontamentos da terceira xornada, que se disputará íntegramente o domingo son:
12:00h EDVM Pereiró vs Sp.C. San Mateo
12:00h Gondomar FB vs Juventud de Cambados
12:00 EFF Rosalía vs SD Chispa
16:00 Balaidos CF vs CD Bueu
16:30 Marín CF vs Umia CF “B”
17:00 SD Noalla vs SCD Ponte Caldelas
17:00 SD Puentearnelas vs CD Mosteiro
Descansa Racing de Vilariño
