Vitoria da EFF Rosalía ante un Bueu que non puxo as cousas fáciles

Xa nos adiantaba Ivan Canal na prévia que este era un partido difícil para sumar os 3 puntos e tamén unha proba para as nosas, que de gañar nos afianza nos postos altos da taboa de clasificación; o regreso a defensa de isis e cae deronlle un punto mais de confianza ao equipo e isto notouse sobre todo na primeira metade.

A xornada 5 no Monte da Aira adiantávase ao sábado por mor do torneo Manolo Carrera organizado pola escola de fútbol base do CD Velle.

Comezaba con dominio o partido para as ourensáns que mantiveron o bo xogo nos primeiros minutos, ben asentadas no campo e con balón filtrando pases ao espazo para as carreiras das nosas dianteiras; a primeira ocasión sería de Yadira tras pase en profundidade de Alba Rodríguez, a interior esquerdo define perfectamente e pon o 1-0.

Seguía o partido na mesma liña cando nun balón en longo do Bueu, Elena prantase ante Rocío que salva o empate para as visitantes no man a man. Minutos despois xogada de toque das nosas para deixar soa de novo a Yadira que fai o 2-0 mediada a primeira metade, bos primeiros minutos das nosas en defensa e moita efectividade arriba.

O partido entraba nunha dinámica de contacto físico por parte do Bueu e, por momentos, sen claro control no xogo das nosas a pesar de contar con superioridade no medio.

O comezo do segundo tempo foi para o Bueu que entrou con presión alta e moita  intensidade, a EFF Rosalíanon saia do seu campo e o físico das visitantes estábase impoñendo. Lara Boubeta adueñouse do encontro e no minuto 59 Elena Pastoriza aproveita o despiste das nosas para recurtar ventaxa poñendo o 1-2 no marcador. 

Os cambios no médio campo desta vez non trouxeron moita variante no xogo local e as bueuenses facíanse co control e as ocasións.

No minuto 68 Carmen Rial tras subir a un córner fai o 2-2 despois dunha xogada moi protestada polas locais, que pedían man dunha xogadora rival. Co empate e o físico das visitantes viñeron minutos de dúvidas para equipo azul pero o Bueu non acababa de chegar dunha maneira clara a porta defendida por Rocío.

Os cambios na banda esquerda de Canalmelloraron moito a proxección do equipo en ataque e isto viuse traducido na xogada do 3-2, balón ben movido polas nosas que salvaban a presión das rivais cunha parede de Sabela e Ainara, a lateral mete un pase ao oco para Noui que tralo toque ante a saída da Claudia remacha Lidia para facer o seu primeiro gol na liga e darlle a tranquilidade a afección ourensá (min.80). 

O 4-2 definitivo no minuto 90 e un golazo de Ainara, que á saida dun corne engacha un balón morto no área para colocala onde Claudia non pode chegar.

Vitoria traballada pára o senior que segue dar mostras do potencial do equipo esta tempada e sube unha posición na táboa, superando presisamente o Bueu e empatadas a puntos con Puentearnelas e Pereiró.

Check Also

A EFF Rosalía completa a segunda semana de adestramentos cunha intensa sesión

As futbolistas da EFF Rosalía completaron este venres o último adestramento da semana no que …

Si continuas utilizando este sitio aceptas el uso de cookies. más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar