1-0: A EFF Rosalía quédase a un paso da final

Perdeu contra o Umia “B” no partido de semifinais na Bouza e despídese da loita polo ascenso.

A Escuela de Fútbol Femenina Rosalía quedouse ás portas da final pola loita do ascenso á primeira tras ser eliminado polo Umia “B” en semifinais. O gol de Noa Alonso, na segunda metade, deu o pase ás viquingas. O encontro foi moi intenso pero sen ocasións claras para os dous equipos.

A primeira aproximación das azuis, no minuto 2, balón en profundidade de Zaira a Noui que recolle Laura sen problemas. Puideron adiantarse as locais aos 5′ tras un córner, Laura Alejo intenta un gol olímpico que Bea saca baixo paus. Dous minutos mais tarde, falta no centro do campo de Alba sobre Fírvida, execútaa Feijóo cun tiro directo que se lle escapa das mans a Laura e cando vai rematar Bea reacciona e detena en dous tempos.

Tiveron que transcorrer vinte minutos para ver a seguinte. Nova falta na medular, esta vez executada directamente por Zaira e outra vez Laura detén en dous tempos cando tiña o gol nas súas botas Aida. A última ocasión antes do descanso foi para as locais. Verónica centrou coa zurda e Rocío adiántase a Yaiza en boca de gol. A segunda metade comezou como a primeira, sen un dominador claro pero cun Umia máis perigoso ao contragolpe. Nerea e Alba Juncal puxeron a proba a Rocío con dous tiros afastados que obrigaron á porteira a deter o balón con complicacións.

Tratou de poñer a réplica Aida ao saque dunha falta desde a esquerda de Zaira pero un mal control coa portería baleira fai que o balón caia aos pés de Cristina, que afasta o perigo. Na seguinte xogada, o minuto 73′ fatídico. Internada sen perigo pola direita de Margarita, recupera Noa e cede a Rocío, que ante a presión de Almudena cede na frontal a Sabela, á súa vez presionada por Noa Alonso, pero non acerta no pase a Isis e rouba a dianteira bermella para plantarse soa ante Rocío e superala no man a man.

Xogada polémica
Co marcador en contra a EFF Rosalía foise arriba en busca do empate, pero non puido superar a defensa local e no minuto 81 a xogada polémica do encontro. Saque de banda a favor das pontinas, centro ao área, Lia Pérez non acerta no despexe e toca a Zaira que cae no área co colegiado a escasos catro metros da xogada pero non estima que fose suficiente para sinalar penalti. Puideron sentenciar as viquingo co equipo de Saa envorcado en ataque. Alba Juncal inicia un contragolpe e o seu pase entre liñas planta a Verónica soa na frontal e a súa chut é detido cunha expendía estirada por Rocío. Xa non habería tempo para máis. Só un podía pasar a semifinais e nun partido moi igualado decidiu unha xogada puntual que pechou a eliminatoria para o Umia, que disputará a final fronte ao Lóstrego. Final de tempada inxusto para a Escuela de Fútbol Femenina Rosalía, que terá que esperar unha tempada máis para lograr o salto á categoría superior.

Check Also

Rosalía-InterRías ‘B’: volve a liga ao Municipal de Oira

Tras dúas saídas consecutivas e o parón da semana pasada, o noso equipo busca a …

Skip to content