A Escuela de Fútbol Femenina Rosalía competirá na 1ª Liga Galega Cadete xunto a outros nove equipos do norte e sur.
A Real Federación Galega de Fútbol decidiu crear unha nova competición autonómica feminina, a Liga Cadete, na que a Escuela de Fútbol Femenino Rosalía formará parte xunto a outros nove equipos do norte e sur da comunidade nun único grupo competicional:
- Victoria C.F.
- Orzán S.D.
- S.C.D. Milagrosa
- Caldas C.F.
- Umia C.F.
- Sárdoma C.F.
- U.D. Mos
- SP.C. San Mateo
- Lóstrego C.F.
- E.F.F. Rosalía
Unha vez coñecido o calendario oficial, a RFGF xa confirmou a data de comezo da tempada 2021/22. A Fase Regular comezará o 23 de outubro e terminará o 26 de marzo logo de 18 xornadas nunha Liga a dobre volta. Os catro primeiros clasificados accederán ás semifinais que decidirán os dous equipos que se xogarán o título, a dobre partido, a primeira semana de maio. Pola súa banda, os equipos entre o quinto e décimo disputarán o chamado “Título de consolación” nunha competición ligueira a unha soa volta.
A Escuela de Fútbol Femenina Rosalía viaxará a Coruña para visitar a un dos favoritos a levarse o título, o Victoria CF, na primeira xornada, rematando a Fase regular recibindo no Monte da Aira ao Umia CF.
Calendario primeira volta:
- Xornada 1: Victoria CF vs EFF Rosalía
- Xornada 2: EFF Rosalía vs Orzán SD
- Xornada 3: Caldas CF vs EFF Rosalía
- Xornada 4: EFF Rosalía vs UD Mos
- Xornada 5: Sárdoma CF vs EFF Rosalía
- Xornada 6: EFF Rosalía vs Lóstrego CF
- Xornada 7: SCD Milagrosa vs EFF Rosalía
- Xornada 8: EFF Rosalía vs SpC San Mateo
- Xornada 9: Umia CF vs EFF Rosalía
Jorge Sobrino, adestrador do Cadete atendeu aos medios do club ao coñecer o plan competicional: “Formouse un grupo ambicioso, con equipos de moita tradición no fútbol feminino galego pero as miñas xogadoras están con ganas de traballar e estou moi contento con elas. Ainda hai cousas por pulir pero de momento van no bo camiño”. Na primeira temporada na categoría o técnico foi moi claro “O obxectivo será xogar cada día mellor e preparalas para o salto ao equipo senior e cheguen o mellor preparadas posible”, rematou dicindo.