E.F.F. Rosalia Escola de Fútbol Feminino
As azuis continúan coa súa posta a punto e mídense a un conxunto lugués, na súa estrea en Oira, no segundo test de pretemporada.
A Escola de Fútbol Feminina Rosalía afronta mañá ante a SDC Milagrosa no Municipal de Oira o seu segundo test de pretemporada (12:00 horas). As azuis, tras enfrontarse ao Sárdoma ‘B’ en Vigo, continúan coa súa posta a punto con outro partido de preparación enmarcado na posta en práctica do adestrado durante a semana.
Ambos conxuntos xa se enfrontaron en competición fai dúas campañas, demasiado tempo para tomar como referencia eses choques. De feito, nas pontinas xa non están moitas xogadoras nin tampouco o corpo técnico. Aquí, en agosto de 2022, Tobaruela segue co seu traballo de axustar as súas pupilas ao sistema de xogo que o técnico quere desenvolver no campo durante esta campaña.
A convocatoria de 16 xogadoras conta coas novidades destacables de Valeria e Cuquejo. Xa avisou Tobaruela que habería rotacións na convocatoria “as rotacións están presentes, para evitar sobrecargas e para ver como xogan as xogadoras en segundo que posición”. Estás son as citadas polo técnico para o compromiso de mañá:
CONVOCATORIA EFF ROSALÍA
Porteiras: Rocío e Valeria.
Defensas: Lucía Pérez, Noa, Matilde, Feijóo, Laura Añón e Sabela.
Centrocampistas: Bonjoch, Cuquejo, Aldarita, Candela Bouzas e Aroa.
Dianteiras: Noui, Zaira, Victoria e Silvia.
O partido servirá de estrena das novas equipacións ante os nodos afeizoados, despois de ser presentadas no pasado mes de xullo co novo patrocinio de Ganadería JPD.
