E.F.F. Rosalia Escola de Fútbol Feminino
Tras unha derrota a domicilio, as de Alberto Tamayo volven ao campo principal das instalacións deportivas de Oira para medirse a un rival que logrou a vitoria a pasada xornada na súa casa tras varios encontros sen facelo.
A Escola de Fútbol Feminina Rosalía Cadete recibe este sábado ao Umia CF no primeiro dos dous encontros consecutivos que disputasen en casa. O equipo adestrado por Alberto Tamayo buscará recuperar a súa mellor versión tras tres partidos cun desenvolvemento e final aciago a domicilio ante Sárdoma e Mos e en casa ante Tomiño. Agora chegan as ‘viquingas’ chamadas a estar nos postos altos, coa moral alta tras lograr vencer no seu feudo ao Viaxes InterRías, próximo rival do equipo pontino, despois de obter resultados contraditorios tamén ante Mos e Sárdoma.
Os enfrontamentos ante o equipo da Comarca de Barrantes sempre teñen o detonante da competitividade. Aínda que como visitante ten un mellor balance que como local e que a pesar de que o resultado da tempada pasada en casa reflicte 1-0 no marcador, as ‘viquingas’ deron un salto de calidade esta tempada. Agora, con planteles totalmente diferentes aos do ano anterior, o Cadete debe buscar recuperar os números positivos cun resultado positivo que lle permita encarar os últimos partidos da primeira fase con optimismo.
O encontro da novena xornada na Liga Galega Cadete dará comezo ás 18.00 horas do sábado no Municipal de Oira coa arbitraxe da colexiada ourensá Uxía Boimorto.
