A EFF Rosalía colabora un ano máis coa ‘Operación Quilo’

O noso club colabora na recollida de alimentos, xoguetes e roupa organizada por Amencer un ano máis.

Do mesmo xeito que nos últimos anos, a Escola de Fútbol Feminino Rosalía, colaborará na recollida de alimentos, roupa e xoguetes da campaña solidaria ‘Operación Quilo’ organizada pola Asociación Xuvenil Amencer. Iniciativa que cumpre este ano as 38 edicións e que o pasado nadal recolleu case 8 toneladas de alimentos, máis de 7 de roupa e 5.600 quilos de xoguetes.

Amencer e Cáritas presentaron no día de onte a campaña coa colocación de 1.000 carteis en escaparates de establecementos e repartiranse 15.000 folletos nas caixas de correos.

Ata o 20 de decembro, todos os interesados poderán achegar alimentos non perecedoiros na nosa oficina na rúa San Payo e nos partidos que os nosos equipos disputarán como locais no Municipal de Oira, comezando polo de mañá sábado do noso Infantil ás 18.00 horas.