Dos libres directos de Zaira que valen tres puntos

As nosas senior seguen sorprendéndonos, tres victorias de tres partidos na segunda volta. Na primeira parte sumaron dez puntos e tan só en tres partidos da segunda volta xa levan nove.

Na matinal do domingo visitounos o Sporting Club San Mateo, no partido de ida o resultado foi moi abultado para as laranxas da vila de Ponteareas e máis alá do resultado, a sensación de superioridade facía que a priori este partido fora máis competido, dada a progresión das nosas, pero moi complicado.

A saida das nosas foi en tromba, presión a campo completo e a correr… xa na primeira xogada Sabela gana as costas da defensa, desfaise da porteira e o seu disparo vaise incomprensíblemente fora…

Sabela Meno laiase da ocasión perdida

O San Mateo estaba moi incómodo sobre o terreo de xogo. Ainara, que festexaba o seu aniversario e Aldarita non daban opcións e Sabela Meno, Zaira e Patricia creaban perigo constantemente na porta da porteira do San Mateo que mostrábase moi nerviosa.

Nunha falta directa o fío da media hora, Zaira marcaba de potente disparo. A sorpresa saltaba no Monte da Aira e as nosas, lonxe de porse nerviosas seguían a maniatar ás súas rivais e buscando ampliar a vantaxa…

A pequena gran “Aldarita” foi a dona do medio campo durante todo o partido

Chegouse ó descanso e a incertidumbre máis grande era si as Rosalías serían quen de aguantar físicamente o alto ritmo do partido, xa que durante a primeira parte víronse os que quizáis foran os mellores 45 minutos de fútbol de toda a tempada.

No tempo de lecer o estuche da bodega Ponte da Boga foi a parar á nai de Sabela Meno. Antía e Candela Losada, do Rosalía “B” exerceron de azafatas e mans inocentes.

Momento da entrega do premio á gañadora

Comezaba a segunda parte e o San Mateo co cambio de posición de Linda Riveiro, avanzándoa a posicións da medular, gañaba en presencia na nosa área. Ademáis comezaron a xogar máis físicamente e directo e nun par de córners crearon perigo sobre a portería de Rocío que unha vez máis mostrouse moi segura baixo os tres paus.

Cando máis apuradas nos vimos xurdiu a figura de Rocío para salvar os mobles

No minuto 78 e cando máis estábamos a sufrir, un novo libre directo transformado por Zaira e moi celebrado por toda a familia azul, como non podía ser de outra maneira, deixaba o partido visto para sentencia. Si ben é certo que o San Mateo tentouno a desesperada con defensa de tres, pero o gol en contra supúxolles un duro mazazo e o partido partido púxose moi de cara para as Rosalías que o dominarían ata o final.

A próxima semana visitamos Ponte Caldelas, un clube que nos goleou no Monte da Aira na primeira volta e que está pelexando por nós a oitava praza. Pase o que pase nese desprazamento e en tódolos partidos que restan ata final do campionato, nada poderá quitarnos a sensación do bo traballo e a enorme progresión que están a realizar as nosas senior. Gracias rapazas e a seguir así!!!

Ó final do partido a maioría da plantilla quedouse a desfrutar do convite de Ainara polo seu aniversario. Parabéns!!!

Check Also

A EFF Rosalía completa a segunda semana de adestramentos cunha intensa sesión

As futbolistas da EFF Rosalía completaron este venres o último adestramento da semana no que …

Si continuas utilizando este sitio aceptas el uso de cookies. más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar