O Cadete cae ante un rival moi efectivo

O Cadete cae ante un rival moi efectivo no inicio e que sentenciou na segunda parte.

A Escola de Fútbol Feminino Rosalía non puido puntuar en Oira ante un Lóstrego que saíu con moito intensidade e castigou cada chegada nos primeiros minutos. O partido púxose costa arriba practicamente desde o inicio. No primeiro minuto, Carlota Lois recuperou o balón e atopou en profundidade a Ana Nodet, que gañou as costas da defensa e asinou o 0-1 cun potente zurdazo á escuadra.

O Lóstrego mantivo o dominio tras o primeiro golpe. No 3’, un balón longo desde a liña defensiva permitiu a Ana volver pelexar unha acción perigosa ante Noa. Pouco despois chegou o segundo tanto visitante: Vera Picher recuperou na medular, filtrou un pase para Candela Donato e esta, desde o costado esquerdo, cruzou por arriba ante a saída da nosa porteira para facer o 0-2. Noso equipo trataba de asentarse, pero o conxunto visitante seguía chegando con claridade. No minuto 8’, Candela Donato executou un córner que acabou cun remate de cabeza alto de Vera Picher na área pequena. Catro minutos máis tarde, outro saque de esquina terminou no 0-3, tras unha acción desafortunada na que María Sofía introduciu o balón na súa propia portería. O Lóstrego ampliou a vantaxe un minuto despois do cuarto de hora cando Candela Donato volveu aparecer polo sector esquerdo, avanzou con decisión e cruzou ao pau contrario ante Noa para asinar o seu segundo gol do partido e o 0-4. Antes do descanso, o conxunto ‘azul’ buscou reaccionar cun disparo de Ari desde a frontal, sen problemas para Inés.

O noso Cadete competiu ata o final
Tras a continuación, o equipo dirixido esta xornada por Alberto Tamayo tentou gañar presenza en campo contrario. Aldara probou fortuna no 42’ cun disparo frouxo desde a frontal, mentres que Noa evitou o quinto no 51’ cunha boa intervención tras unha falta lanzada por Candela Donato. O 0-5 chegou pouco despois de superar a hora de xogo nunha rápida transición visitante. Kamila conduciu o contragolpe pola esquerda, encarou a Noa e a gardameta conseguiu rexeitar o primeiro disparo, pero Carolina recolleu o balón solto e empuxouno ao fondo da rede. Noso equipo continuou traballando ata o final, pero o Lóstrego pechou o marcador no minuto 80′. Candela Donato, unha das xogadoras máis determinantes do encontro, puxo un centro desde a dereita ao segundo pau e Ana apareceu para marcar o 0-6 definitivo.

FICHA TÉCNICA

Goles
0-1 (min. 1) Ana Nodet.
0-2 (min. 3) Candela Donato.
0-3 (min. 12) María Sofía, en propia porta.
0-4 (min. 16) Candela Donato.
0-5 (min. 62) Carolina Fernández.
0-6 (min. 80) Ana Nodet.