Orzán ‘B’-Rosalía: a por tres puntos máis para afianzar a segunda praza

O conxunto de Alberto Tamayo visita este domingo, ás 12.15 horas, o campo municipal San Pedro de Visma 1 co obxectivo de prolongar o seu bo momento na recta final da tempada.

A Escola de Fútbol Feminino Rosalía afronta unha nova xornada ligueira lonxe de casa coa intención de seguir sumando de tres e consolidar a súa posición na parte alta da clasificación. O equipo ourensán chegará a esta cita despois de vencer por 3-2 ao Lóstrego ‘B’ na xornada 24, un resultado que lle permite manterse na segunda praza con 56 puntos, 57 goles a favor e só 19 en contra. Orzán ‘B’, pola súa banda, ocupa a décimo terceira posición con 19 puntos, 33 tantos marcados e 62 encaixados, aínda que vén reforzado tras a súa vitoria por 0-4 fronte ao Sporting Burgo.

O noso sénior encara este encontro nunha posición competitiva moi sólida. O seu balance recente reflicte unha liña ascendente e o equipo quere manter o ritmo neste tramo decisivo do campionato, no que cada punto adquire un valor especial. Ademais, o calendario marca que esta será a xornada 25 dunha liga de 30, polo que restan seis partidos para o peche do curso. No apartado ofensivo, a EFF Rosalía conta con varias futbolistas decisivas. Noui é a súa máxima goleadora con 13 tantos, acompañada por Candela Bouzas con 8, Sampi e Añón con 7. No conxunto coruñés, as principais referencias son Daniela Barbazán García, con 10 goles, e Carmen Couto Martínez, con 8.

O precedente da primeira volta tamén convida o optimismo para as ourensás. Na xornada 10, o conxunto pontíno impúxose por 4-1 ás coruñesas en Oira, nun partido no que marcaron Sabela, Antía, Candela Bouzas e Noui. Todas elas incluídas na convocatoria do técnico ourensán. O tanto visitante asinouno Lola Freire.

“Sabemos que cada partido esixe a máxima concentración”, Alberto Tamayo.

CONVOCATORIA

“Fóra de casa temos que seguir sendo un equipo serio, sólido e con personalidade. Respectamos moito ao rival, pero imos coa ambición de impoñer o noso ritmo e competir polos tres puntos”, engadiu o noso técnico na previa.

Orzán ‘B’
O conxunto local buscará facerse forte en San Pedro de Visma 1 e dar continuidade ao impulso anímico da súa última vitoria. Aínda que a súa situación clasificatoria é máis comprometida, demostrou que ten argumentos ofensivos para xerar perigo, especialmente a través de Daniela Barbazán e Carmen Couto, os seus dúas máximas artilleiras. Rosalía terá que asinar un encontro serio en ambas as áreas para volver cun resultado positivo.