O acto tivo lugar no Municipal de Oira coa presenza do asesor de deportes da Deputación de Ourense e Andrés González, preparador físico do Washington Spirit.
O acto de presentación, que tivo lugar no Municipal de Oira, contou coa presenza de Quique Álvarez, asesor de deportes da Deputación de Ourense, Andrés González, preparador físico do Washington Spirit, Javi Taboada, colaborador deportes Onda Cero e o preparador físico da Escola de Fútbol Feminino Rosalía, Jorge Gago.
O centro cultural Marcos Valcarcel de Ourense será o escenario, mañá luns 23 de decembro, da 1ª Xornada de Fútbol Feminino organizada pola Escola de Fútbol Feminino Rosalía en colaboración coa Deputación de Ourense.

A xornada comezará cunha parte práctica que constará dun adestramento coas xogadoras do equipo senior da EFF Rosalía ás 12.00 horas nas instalacións municipais de Oira e pecharase cunha conferencia-coloquio final de Andrés González, ourensán de berce e actual preparador do Washington Spirit da National Women´s Soccer League estadunidense e con pasado no FC Barcelona e Real Sociedad, no Centro Cultural Marcos Valvcarcel. O preparador ourensán contará as súas experiencias desde que saíu de Velle para formar parte dalgúns dos mellores clubs españois de fútbol feminino e formar parte do staff de Jonatan Giráldez no FC Barcelona e agora nesta nova aventura en EEUU.
A charla-coloquio contará con aforo limitado e soamente poderán asistir con invitación.


