Un im(posible) como reto para seguir coa escalada

O Cadete visita ao mellor equipo en casa no partido correspondente á 13ª xornada da Liga Galega Cadete.

¿O máis difícil todavía?. A Escuela de Fútbol Femenina Rosalía viaxa este fin de semana ao Concello de Mos para enfrontarse este sábado (16:00h, As Baloutas) ao equipo con mellor balance en casa, a UD Mos. A empresa é unha das máis esixentes da tempada, pero chega nun momento agridoce para as azuis, quen veñen de vencer en Liga a Caldas nun mal partido.

O cadro amarelo só se deixou un punto no camiño en casa (xornada 5, 2-2 fronte ao líder Orzán) e chega tras vencer goleando a San Mateo no seu último partido nas Baloutas. As de Sobrino son conscientes da dificultade, pero aspiran a plantar cara e seguir coa boa imaxe mostrada nas primeiras semanas do ano.

O conxunto pontino non poderá contar con Oswa, Nerea e Lucía Nogueiras, mentres que ‘Cuque‘ aínda non está dispoñible para o técnico azul. Si estará na convocatoria Laura Añón despois de recuperarse da lesión que a tivo varias xornadas lexos dos terreos de xogo.

CONVOCATORIA EFF ROSALÍA
Porteira: Valeria.
Defensas: Lucía Pérez, Sara Bonjoch, Sofía, Silvia, Laura Añón, Matilde, Miriam e Aroa.
Centrocampistas: Ester, Noa González, Lucía Caride, Candela Bouzas e Nair.
Dianteiras: Claudia e Victoria.

Partido complicado, tal como Indica o técnico: “visitamos a un rival moi duro que o esta facendo moi ben e ten varias xogadoras que fan un gran papel co seu equipo sénior, pero ningún partido desta liga é im(posible)”

Rival
A UD Mos, cuxa base está formada polas xogadoras do filial que a semana pasada venceron ao Sénior no Municipal de Oira, chega ao partido cun balance de 4 vitorias, un empate e cero derrotas nos cinco partidos como local. A súa xogadora máis perigosa é Sara Cuiñas, autora de 12 goles en 9 partidos, dos cales 5 foron nas Baloutas. Na ida, as moenses venceron 1-2 con goles de Marta e a destacada Sara.

O encontro será dirixido pola colexiado Alejandro Vieitez Blanco, do comité vigués.