E.F.F. Rosalia Escola de Fútbol Feminino
Complicada visita dunha Rosalía Infantil ao alza para medirse ao Lóstrego CF en Chaín mañá a partir das 10:30 horas.
Logo de dous empates consecutivos en casa fronte a Atlético Arousana (0-0) e a domiclio ante Umia (1-1), agora toca dar continuidade ao bo xogo nun duelo sempre complicado en Chaín ante o Lóstrego (10:30 horas; sábado). Complicado, pero non imposible. Porque as azuis xa foron capaces de dar ao cadro azul mariño no encontro da primeira volta no Seixo (1-3) tras unha brillantísima segunda metade. Ademais, unha vez analizado o partido da primeira volta, o Infantil foi capaz de dominar ao seu rival. Iso si, as vitorias resístense debido á falta de acerto cara portería. Algo que seguro Diego Castro intentou mellorar nos adestramentos semanais.
“Contra Lóstrego vímonos inferiores ao rival”
DIEGO CASTRO, adestrador da EFF Rosalía Infantil
No plano deportivo, o técnico do Infantil, sinala que “O equipo chega con ganas de revancha despois do 1-3 da primeira volta, onde por primeira vez vímonos inferiores ao rival. Lóstrego conta nas súas filas cunha central estupenda, que nos freou no primeiro partido”. As 16 elexidas para viaxar a Gondomar son:
CONVOCATORIA EFF ROSALÍA
Porteira: Aldara.
Defensas: Aitana, Noa Sanz, Miriam, Ainara, Candela Currás e Aline.
Centrocampistas: Xiana Carballo, Sara, Nair, Lucía Torres e Alma.
Dianteiras: Candela Losada, Victoria, Irene e Antía.
Lóstrego CF
O rival ocupa actualmente o segundo posto desta Liga Galega Infantil con 16 puntos, chega á cita tras vencer ante o Atlético Arousana (1-8). Iso si, na súa última comparecencia no seu propio terreo de xogo, caeu derrotado fronte ao líder Mos por 1-5.
O encontro será dirixido pola árbitra do comité vigués Paula Balboa Costas.
