Lidia do Velle á EFF Rosalía

Seguimos a preparar a nova tempada de Liga ultimando as plantillas das distintas formacións que integrarán a disciplina da nosa entidade. Unha das grandes novidades da campaña será a estrea do equipo de categoría infantil que disputará a tamén nova Liga Galega Infantil de primeira categoría. O noso clube acepta o reto da Real Federación Galega de Fútbol na súa idea de promocionar o fútbol feminino en todas as categorías. 

  Deste xeito o clube incorpora para esta nova formación a Lidia Rodríguez. Con trece anos e formada nas categorías inferiores do Velle chega a disciplina do Rosalía avalada pola súa traxectoria como dianteira e goleadora. Ademáis, segundo asegura a directora técnica da nosa entidade, Alba Rodríguez, trátase dunha nena con moita velocidade e ao mesmo tempo cunha gran disciplina táctica atendendo, en numerosas ocasións, o traballo defensivo do equipo cando se lle require.

Lidia posa ca súa nova camiseta xunto co presidente do clube

 

  Lidia amósase moi satisfeita tras a súa incorporación e recorda que coñece a moitas xogadoras do seu novo equipo. “Coincidimos en dúas temporadas na competición da Copa Gallaecia e decatéime que no Rosalía priman os valores das xogadoras. Entendo que para as que empezamos no fútbol desde abaixo e sumamente importante. Agardo vivir unha experiencia nova no clube e, tamén, un xeito diferentes de xogar ao fútbol”.

  Lidia salienta o feito de incorporarse a un equipo netamente feminino, como o Rosalía no canto do conxunto mixto no que formaba parte no Velle. “Alí era a única nena e ainda que foi unha etapa brillante para min entendo que a oportunidade que se me brinda no Rosalía e diferente. Aqui somos todas mozas e resulta gratificante poder compartir alegrías e, por que non, seguro que algunhas penas. O máis importante e facer grupo, xogar en equipo máis aló dos éxitos deportivos que, seguramente, acadaremos”.

Lidia xogando co Rosalía
Lidia xogando co Rosalía na pasada edición da Copa Gallaecia

 

Lidia Rodríguez, de trece anos e natural de Ourense, xoga ao fútbol desde os sete. Confía que coa súa chegada ao Rosalía poida crecer e aprender no mundo do fútbol, o seu deporte favorito.

Check Also

6-0: Brillante triunfo do infantil fronte o Umia

Lidia, cun triplete, Silvia, Ester e Claudia Pérez foron as goleadoras. A EFF Rosalía infantil …

Si continuas utilizando este sitio aceptas el uso de cookies. más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar