Rosalía-San Mateo: despedir a 1ª fase cun resultado positivo

O equipo Infantil busca o seu noveno triunfo no último partido da primeira fase (12:00h; domingo)

A Escola de Fútbol Feminina Rosalía Infantil termina a primeira parte da competición e tratará de facelo sumando os tres puntos a domicilio na décimo cuarta xornada de Liga fronte ao Sporting Club Santo Mateo (12.00 h, Domingo) e así manter a segunda plaza na táboa clasificatoria.

Tras impoñerse ao Arcadia no último duelo en casa, as de Quique e Castro afrontan este novo partido co obxectivo de manter a dinámica coa que empezaron o mes de febreiro. O noso equipo empezou a xornada en segunda posición con 26 puntos e un punto de vantaxe sobre as súas inmediatas perseguidoras. Estas son as futbolistas convocadas para o encontro.

CONVOCATORIA EFF ROSALÍA
Porteira: Karla.
Defensas: Aline, Ainara, Candela Losada, Lea e Alba
Centrocampistas: Sabela, Lucía Carral, Lourdes, Sofía
Dianteiras: África, Sara, Águeda e Ainhoa.

O rival
O Sporting Club Santo Mateo é o pechacancelas na clasificación cun balance de 1 vitoria, 1 empate e 9 derrotas, a última na pasada xornada ante o Valladares a domicilio.