Continuar crecendo no Municipal de Oira

Os dous equipos da Liga Galega Feminina Promesas, principais atractivos no Municipal de Oira este fin de semana.

Os dous equipos da Liga Galega Feminina Promesas afrontan este domingo a quinta xornada de Liga na casa, no Municipal de Oira. Tras xogar en Santa Cruz de Arrabaldo na xornada 3, ambos equipos voltan ao seu campo.

EFF Rosalía ‘A’ – UD Mos
O equipo dirixido por María Feijóo recibe a partir das 13:00 horas ao líder destacado do Grupo Sur. Mos aínda non coñece a derrota cun balance demoledor, 31 goles a favor e tan só 2 en contra nos catro partidos disputados ata agora. En liña positiva preséntanse as azuis, logo de dúas vitorias consecutivas, pero especial a lograda a semana pasada en O Alivio. Os técnicos acabaron moi contentos coa progresión das súas xogadoras e como se adaptaron ás súas propostas.

EFF Rosalía ‘B’ – Juventud de Cambados
Máis igualado espérase o partido do equipo dirixido por Javier Alonso. Juventud de Cambados, sétimas clasificadas cun punto de vantaxe sobre as pontinas chega ao partido logo de empatar 1-1 a domicilio con Valladares. O partido dará comezo o domingo ás 12:00 horas no campo de fútbol-8.

Ambos partidos estarán dirixidos polo colegiado Gabriel Márquez Pérez do Comité Técnico de Árbitros de Ourense.