Aguiño-Rosalía: a sénior busca os tres puntos en Ribeira

O noso equipo afronta outra partido clave na loita polos postos de fase de ascenso antes de recibir a Boiro (12.00 h, Ribeira).

A Escola de Fútbol Feminino Rosalía mídese mañá a domicilio ao Xuventú Aguiño (12.00 h, Ribeira). A sénior visita A Tasca co propósito de lograr a súa décimo sexta vitoria, a cuarta consecutiva no campionato, e sumar tres novos puntos na loita pola fase de ascenso. En fronte terá a un rival que non chega no seu mellor momento da tempada.

Rosalía está inmersa nun abril esixente e este encontro será a antesala doutra semana crave. Sacar un resultado positivo en Ribeira é vital para manter as opcións de meterse en fase de ascenso e recibir a Boiro con opcións de colocarse a un só punto. As nosas deberán despregar a súa mellor versión no campionato doméstico, onde son as terceiras que menos tantos encaixan.

Noui, foi unha das goleadoras no partido de ida.

Tamayo conta na convocatoria con Zaira. A barbadesa marcou tres tantos nos últimos tres compromisos e quere seguir a súa serie. No partido da primeira volta tamén fixo un doblete na vitoria por 5-1 con goles de Noui, Clau e Carmen en propia porta.

CONVOCATORIA EFF ROSALÍA
Porteira: Noa.
Defensas: Laura, Fifi, Sabela, Sampayo, Aitana e Matilde.
Centrocampistas: Bonjoch, Nair, Candela, Aldarita e Aroa.
Dianteiras: Vicky, Zaira, Clau e Noui.

Aguiño
O rival da Escola de Fútbol Feminino Rosalía arrincou a xornada na decimoprimera posición cun balance de 6 vitorias, 4 empates e 13 derrotas. Dos 22 puntos que acumula, 11 conseguiunos en casa. As de Victor Manuel García, contan con Carla Sanda como máxima goleadora na liga (14 dianas).

Check Also

0-2: Cruel derrota

O noso equipo non puido vencer ao Concello de Boiro no Municipal de Oira. Vídeo: …

Skip to content