Tobaruela: “Hoxe resolvemos un partido contra un rival moi pechado atrás” 

“De aquí a final da liga cada partido vai ser unha especie de final”, resaltou o técnico.

Pere Tobaruela compareceu en zona mixta do Municipal de Oira tras o partido ante o Racing Vilariño, correspondente á xornada 17 de Liga: “Seguimos sumando de tres e iso é de valorar, pero o máis importante é que hoxe resolvemos o partido contra un rival moi pechado atrás”.

“Tivemos que cambiar noso sistema de xogo no descanso e as xogadoras souberon adaptarse ben ao novo plan de partido”.

O peor partido en casa
“É difícil saber se un partido se fai peor ca outro porque as circunstancias cambian. Este partido é un reflexo do que vai vir de aquí en adiante: un posicionamento ultradefensivo das rivais vai ser una constante dos equipos que se enfronten a nós. Así desenvolver o noso xogo é complicado, pero eu quedo con traballo do equipo, que hoxe soubo quitar os tres puntos ante un rival que renunciou ao ataque”.

Arbitraxe moi protestado
“A min persoalmente non me gusta falar da arbitraxe, e iso foi o que lle dixen ás nosas xogadoras no descanso. Nós temos que dedicarnos ao noso e solucionar os nosos problemas, a pesar de que haxa unas circunstacias que nolo poñan máis difícil”.

Vilariño moi defensivo
“En certa maneira é lóxico, cada equipo ten que contrarrestar ao rival como mellor poida. E hoxe o Racing de Vilariño xogou as súas cartas: un posicionamento defensivo repregado e unha boa profundidade defensiva que nos impedira marcar”.