E.F.F. Rosalia Escola de Fútbol Feminino
As de Jorge Sobrino volven á competición tralo parón polo entroido (12:45 h, sábado).
A Escuela de Fútbol Feminina Rosalía Cadete visita ao Lóstrego na 15ª xornada da Liga Galega Cadete (12:45 h; Campo de Chaín). O noso equipo busca unha nova vitoria logo de dúas xornadas sen coñecer o triunfo en Liga e empezar marzo do mellor xeito, trala derrota e empate fronte a Mos (2-0) e Sárdoma (2-2).
O equipo adestrado por Jorge Sobrino estase mostrando irregular nos últimos encontros a pesar do bo xogo mostrado nalgún deles. Encaixou oito goles nos últimos cinco partidos do campionato, sendo tres os anotados. O Lóstergo marcha na terceira posición, cun balance de dez triunfos e 4 derrotas no que vai de curso. No enfrontamento da primeira volta, as pontinas gañaron no Municipal de O Seixo (1-0), co tanto de Candela Bouzas. A centrocampista formará parte da convocatoria de 16 elixida polo técnico, na que se confirman as baixas de Ester, Cuquejo e Lucía Varela e alta de Laura Añón despois de varias xornadas fora do equipo.
CONVOCATORIA EFF ROSALÍA
Porteira: Valeria.
Defensas: Lucía Pérez, Sara Bonjoch, Laura Añón, Sofía, Matilde, Silvia, Miriam, Candela Currás e Aroa.
Centrocampistas: Candela Bouzas, Sara Rodríguez, Lucía Caride e Xiana Carballo.
Dianteiras: Nerea e Noa.
Para Sobrino, enfronte estará “un equipo ao que sempre custa gañar porque compite moi ben os partidos, á vista está o da primeira volta”. Con respecto ás últimas xornadas “O equipo está traballando ben nos entrenos e iso, sumado á motivación de xogar contra os rivais de arriba, fai que lle podamos competir a calquera rival da categoria. As baixas en certo momento poden ser un hándicap, pero o propio equipo e con axuda dalgunhas infantís estanse suplindo moi ben”.
