Rosalía-Mos: duelo de equipos invictos na Ponte

As xogadoras de Quique e Castro buscan a cuarta vitoria consecutiva no partido da quinta xornada (12:00 h, Domingo).

A Escola de Fútbol Feminina Rosalía Infantil afronta o seu segundo compromiso en casa da tempada. O conxunto de Quique e Castro mídese ao Mos, outro equipo invicto na liga, no Municipal de Oira (12:00 h, domingo). O obxectivo das pontinas é vencer e encadear a cuarta vitoria consecutiva desde que arrincaron a tempada oficial.

Tras o triunfo na estrea na Ponte agora toca seguir o refacho en Liga, onde o noso equipo vén de golear ao Tomiño na pasada xornada (0-5). Esta é a convocatoria para enfrontarse a un rival directo que presenta un balance de tres vitorias nas tres xornadas que disputou no campionato: Karla, Aline, Miriam, Ainara, Sofía, Candela Losada, Esmeralda, Sara, África, Sabela, Lea, Andrea, Virginia, Victoria, Lucia Carral e Águeda.

O encontro dará comezo ás 12:00 horas baixo a dirección do colexiado Jorge Urbano Pérez Prada do colexio ourensán de árbitros.