Bo papel das representantes da EFF Rosalía no I concurso de lanzamento de faltas de +Deporte-La Región

1 Decembro, 2020 Non todo vai ser fútbol 426 Visualizaciones

Rocío, Zaira e Yadira participaron na final disputada no Estadio de O Couto o pasado venres.

**As tres representantes da EFF Rosalía antes do comezo do concurso.**

Tres foron as representantes por parte da Escuela de Fútbol Femenino Rosalía na final da primeira edición do Concurso de lanzamento de faltas +Deporte La Región, disputada nun marco excepcional para tal evento, o Campo de O Couto.
Rocío, Yadira e Zaira foron as clasificadas logo da fase preliminar disputada a semana anterior no Monte da Aira de Velle.

Os demáis participantes da final foron:
· Ourense CF: Borja Novoa e Adrián Rodríguez (porteiro).
· Pabellón CF: Anxo Pena, Mal Conde e Bruno Rielo (porteiro).
· UD Ourense A: José Otero.
· UD Ourense B: Ignacio Branco.
· Velle CF: José Pedrayo e Hugo Tena
*Mario Fariña do Ourense CF non puido participar por lesión.

**Yadira foi a primeira en lanzar e gañadora feminina.**

A final comezou cos lanzamentos de Yadira a Rocío, a continuación chegou a quenda para os mozos, onde José Pedrayo do Velle tivo que abandonar por lesión no segundo disparo. A vitoria foi para Carlos Rguez. da UD Ourense “A”, grazas ao seu gol a 25m de distancia. Por parte dos porteiros, Bruno Rielo destacou polas súas paradas e foi o claro vencedor por diante do representante do Ourense CF. Zaira foi a penúltima en lanzar unha quenda de 3:20 minutos para os dez lanzamentos desde 18, 21, 25 e 30 metros.

**Carlos Rguez. a punto de tirar ante a mirada das representantes da EFF Rosalía.**

*Bruno Rielo, gañador no* *apartado* ***dos porteiros.***

En canto ao duelo entre a “Francotiradora” do Rosalía e Yadira, foi o máis axustado da competición. Logo de 10 lanzamentos e empate entre as dúas, a vitoria decidiuse polo gol de Yadira no segundo intento a 18m. Rocío non tivo rival pero deixou varias estiradas para a retina.

**Rocío tivo que emplearse a fondo durante toda a final.**

Quedan gravados para a historia da competición os nomes d@s ganador@s desta primeira edición, que recolleron o seu correspondente trofeo e un estuche de produtos de Coren.